Shillong, Nov 30: Meghalaya a•doko Tourism-ni a•bao tang•doanina, 2024-25 bilsirangna on•enggipa “Special Assistance to States for Capital Investment-Development of Iconic Tourist Centres to Global Scale” Scheme-ni ning•o gong crore 198.5 tangkarangko a•dok sorkari chamataha.
Salgro salaram jolrango iandakgipa scheme-ni tangka paisarangko gong crore 100-na bate man•giparangoni Meghalaya a•dokba iandakgipa scheme-ni tangka paisako man•pagipa ong•a.
Ian a•dokni namroro silroroanina aro nambatsranggipa tourism infrastructure-ko on•a miksonge gong crore 3,295.76 tangkarangko dam 23 a•dokrangna chamatenggipaoni Meghalaya a•dokna gong crore 198.5 tangkarangko chamatengani ong•a.
Ian Umiam Lake-ko namdapatna aro Mawkhanu-o gital tourist biapko tarina gita mingprak project-na gong crore 99.27 tangka paisarangko chamataha.
Umiam Lake, ian Meghalaya a•dokni nitobegipa gam ong•a jean, tourist-rang rochakram biap ong•aha. Ia project ning•o jatni ripingbaenggipa sol•a repanirangko, botanical garden, amphitheater aro nangchongmotgipa rama jal•angrang-ko tarianggen. Unabaksana, Shillong aro Sohra-ni gisepo re•enggipa ramao tarigimin Western Bypass Highway-koba oprakanggen.
Una agreba, ming 1,168 direct jobs aro 2,675 indirect jobs ba kamrangko, ua jolo donggipa manderangna nakatatgen.
Mawkhanu project-ni ning•o, jatni aro songsalni dakbewal rikbewalrangna, multifunctional biaprangko tarigen. Meghalayan Experience Theme Park, Festival Ground aro Amphitheater aro gipin nangchongmotgiparangko namdapatgen. Ia biapon, Cherry Blossom, local arts, music aro jatni dakbewal rikbewalrangko manianirangkoba sokachakanggen.
Iandakgipa project-rangchi tourism-ni a•bao namdapatasan ong•aigija jatni apalgipa dakbewal rikbewalrangko ripinge rakkina chol ong•enganina kusi ong•aniko aro a•doko iandake chu•sokna man•enganina rasong chabeaniko, Skotong Minister Conrad K. Sangma parakangaha.
Na·simang ia video-koba nina man·gen:
Na·simang iakoba poraina man·gen: Songsalni namgnina kamko ka•gipa saksa Dibrugarh-o jora 21-na jinma bia ka•aniko ong•atanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
