Tura, Feb 10: Tura songjinmani Nikwatgre-o donggipa General Administration Department (GAD)-ni a·ao songdongenggipa manderangna a·a pattako a·dok sorkari suale on·angaha.
Ia program-ko West Garo Hills a·jani Deputy Commissioner (Revenue), Nikwatgre Community Hall-o ong·atangaha aro ia tom·anio Skotong Minister Conrad K Sangma dongpae bak ra·angenba uni jakchin a·a pattarangko suale on·angaha.
Ia tom·anio, a·jani officialrang, songsalko dilgiparang, baneficiary-rang aro jolo songdongenggipa manderangba dongpae bak ra·angaha.
Tom·anio Skotong Minister aganengon, ia a·a pattarangko on·aniara sorkari aro songdongenggipa manderangni gisepo bakrimaniko mesoka aro ia a·a pattako on·a man·anina kusi ong·a ine aganaha.
Ia a·a pattarang dongkujamitingode ua jolo donggipa manderangna dingtang dingtang cholrangchi neng·nikaniko on·achim, uamang a·a patta gri loan-rangko, sorkarini scheme-rangko aro gipin man·gnirangko man·rongjaha aro jajrengan baksa janggi tangna nangachim, indiba da·ode ia neng·nikanirangoni ritchenggnok ine aganaha.
Indake, Tura jolni gipin bakrangonaba apsan daken a·a pattarangko somoi sokjoko suale on·anggen ineba Skotong Minister janapataha.
District officialrangba, ia a·a pattarangko on·anichi Tura songjinmao songdonggipa manderangna a·ani nokgipa ong·aniko sakki on·batgen ine aganaha.
Na·simang iakoba nina man·gen:
Na·simang iakoba poraina man·gen: Ri-Bhoi a·jao Jeep bolsa a·sel ong·e mande saksa sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
