Shillong, Nov 26: West Garo Hills a•jani Tura-o donggipa Government Administrative Department (GAD)-ni a•arango, je manderangan songdong a•chaengachim, uandakgipa manderangna ia a•ako a•dok sorkari, para dake on•skaenba, indita bilsirangna meligrikgijaniko namatna tik ka•angaha.
Budbar salo, Cabinet-ni tom•aniko Shillong songjinmani Ward’s Lake-o ong•atangani ja•man kobor ra•timgipa manderang baksa agangrikengon, batanggimin bilsi 30 bilsi 50-mangna mitam manderang, sorkarini a•arango songdong a•chatokaha aro iandakgipa bang•a obostarangnan kachario dakgrikanirangkoba nikna man•engkuani gimin ia biaprango songdongenggipa manderangni namgnina aro a•dok sorkarini namgninaba ia a•arangko para dake on•skana tik ka•angaha ine Chief Minister parakataha.
Chief Minister-ni aganani gitade, iandakgipa sorkarini a•arango songdongenggipa manderangko a•rikgalna gita batanggimin somoirango u•iatanirangko on•ani a•sel manderangni gisepo neng•nikanirangko chagrongna nangaha aro badiaba somoirangode so•sojengjeng ong•anirangkoba nikna man•ahani gimin a•dok sorkari, bilsigittamna skang jekai Williamnagar-o iandake sorkarini a•arango songdong a•chaenggipa manderangna cholko on•aha, apsan daken Tura-oba sorkarini a•arango songdongenggipa manderangna cholko on•na tik ka•angaha.
Iandakgipa a•arangara da•o sorkarina kajina man•ani a•arang gita ong•skagnok ine janapatengon, ia kamo dingtangmancha niamko ja•rikgen aro ia niamo pangchake, mikkangchi ia biaprango songdongenggipa manderang ba sorkarina maming neng•nikanirang dongjana gita cholko on•anggen ine aganenba, ia kamni skanggipa bakko bakan a•bachengatgnok ine Sangma parakataha.
Je gittimrangan sorkarini ia ja•ku de•aniko ra•chakaha, uandakgipa gittimrangko skanggipa bako a•bachengatgen ine janapatengon, je gittimrangan sorkari baksa songgigrikna nangnikkujaenga, uandakgipa gittimrangkoba sorkari dragija, gnigipa bako agangrikangkugen ine Chief Minister, ku•rachakaniko on•angaha.
Na·simang iakoba nina man·gen:
Na·simang iakoba poraina man·gen: Shillong Airport-ko apalbatatna a·ako brena a·dok sorkari ra·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
