Tura, Apr 30: Garo Hills-o mikka balwa rakgniko nie agansamsona man•na gita Doppler Weather Radar (DWR)-ko songna Bristibar salo, Indian Meteorological Department (IMD), State Disaster Management Authority (SDMA) aro District Disaster Management Authority (DDMA)-ni official-rang, Darechikgre aro Albella a•brio biaprangko niangaha.
Garo Hills-o ia DWR-ko songanichi, mikka kimpretani, mikka jime wagni aro balwa ta•rakgniko nie agansamsona gita cholrangko man•gen.
Tura-o ia DWR-ko Earth Sciences Ministry-ni ning•o India sorkarini a•bachengatgipa Mission Mausam-ni ning•o songna cholrangko nienga aro unbaksana Tura-o Meteorological Observatory-koba kulina IMD miksongenga ine Shillong-o donggipa Meteorological Centre-ni Director aro Head u•iataha.
Da•o dipet Meghalaya a•doko Sohra-osan DWR dongkuenga aro Albella Chidekgre-o DWR-ko songna miksongani chu•sokbebegenchimode ian a•doko gnigipa DWR ong•gnok.
Ia 2026 bilsini January 19 tariko, Assam a•dokni Jorhat-o a•bachengatgipa X-Band DWR-ko man•chape India a•song gimiko dam 48 Doppler Weather Radar-rangko chalaienga ine nikna man•a.
Garo Hills-o DWR-ko songna biap nianganio dongpagipa official-rangara, Regional Meteorological Centre, IMD Guwahati-ni Scientist ‘F’ Dr Sanjay O’Neill Shaw, Meteorological Centre, IMD Shillong-ni Director aro Head Thangjalal Lhouvum, Rongram C&RD Block-ni Block Nodal Officer Dr Jasmine SR Marak, SDMA-ni Field Engineer Jaspher Pdeng, Tura DDMA-ni Field Engineer Camelius K Sangma aro gipinrang ong•a.
Na·simang iakoba nina man·gen:
Na·simang iakoba poraina man·gen: Zubeen Garg-ni sianina matnanga man•gipa Shyamkumar Mahanta-na jamin on•na jechaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
