Ampati, June 25: Songsalo donggipa manderango pangchakgipa tourism-ko ra·dona aro jolo songdonggipa manderangna janggi tangani cholrangko bikote on·a miksonganio, Katta Beel-o donggipa Tourist Facilitation Centre-ko chalaichina aro simsak nirokaniko dakchina Fishery Cooperative Society-na pakwate on·angaha.
Swadesh Darshan Scheme-ni ning·o tarigipa ia facility-ko, Mahendraganj-ni MLA Sanjay A. Sangma-ni jakchi officially Budbar salo pakwate on·aniko dakangaha. Ia pakwatani tom·bimonganio, Cooperative Society-ni manderang centre-ni chabi aro certificate-rangko ra·chakangaha.
MLA Sanjay A. Sangma, tom·anio aganengon, songni pilak bak nangpagipa manderangko ia centre-ko name nirok simsakchina aro jolo tourism-ko ra·dona gita apsan nangrime kamko ka·chinaba didiataha. Deputy Commissioner Anendya Raajshree, tourism project-rangko ru·uta somoirangna chu·sokgipa ong·atna gita songni manderangni bak ra·paani nangchongmotani gimin aganangaha. Ia tom·anio, South West Garo Hills-ni Deputy Commissioner aro District Tourism Promotion Society-ni Chairman Anendya Raajshree, Zikzak C&RD Block-ni Block Development Officer Torali K. Marak, Tourist Officer Collin Jeffrey Ch. Marak, Katta Beel Fishery Cooperative Society-ni member-rang, jolni dilgiparang aro songni manderangba dongpae bak ra·angpaaha.
Na·simang iakoba nina man·gen:
Na·simang iakoba poraina man·gen: Meghalaya-o SIR-na tarisamsoanirangko Election Commissioner nipilaniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
