Williamnagar, June 25: 2025-ni July jani 18 tarikko East garo hills-ni Samgongo saksa me•chikko so•otgipani  kosakko case ka•anggenchimoba, da•ona kingking dos dak•gipa mandeko rim•kujanina, gital dake  ia case-ni kosakko am•sandianirangko  daktaichina aro dos donggipa  mandeko  ta•raken rim•china Williamnagar-ni Garo Students’ Union (GSU) a•dokni  CM-na Budbar salo memorandum-ko on•angaha.

Uamangni CM-na on•angipa  memorandum-o GSU – dolrang 2025 bislini  june jani 18 tarikko ong•anggipa ia obostani bidingo name am•sandianirangko dakjaenganina  aro da•ona kingking dos dakgipa mandeko rim•na man•kujani gimin, an•tangtangni ka•o nanganiko  janapangenba,  official-rangni gita sing•sandianirangko dakang man•genchimoba, iani kosakko sorkarini gita mai ja•kurangko de•aha uarangni gimin talatarang ba  parakatarangba dongja, ine uamang matnangangaha.

Unbaksana ia case-ko name nirokaniko dakgijagipa  police officer ba  government official-rangko sing•sandianirangkoba dakja aro uamangni kosako maming raka ja•kurangkoba de•ja, ineba uamang matnangangaha.

So•ota man•e sianggipani nokdangna sorkarini gita dos dakgipa mandeko rim•na ba sasti man•atna maming  pangchakani kattarangko ba dakchakanirangko on•ja, ine GSU-rang matnangangenba ia obostani kosakko gital dake am•sandianiko dakchina ba name dake am•sandianiko dakna Special Investigation Team (SIT)-rangko bikotchina aro ta•rake dos  dakgipa mandeko rim•china dabiangaha.

Na·simang iakoba nina man·gen: 

Na·simang iakoba poraina man·gen: Meghalaya-o SIR-na tarisamsoanirangko Election Commissioner nipilaniko dakanga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub