Tura, July 28: Tura Motor Sports Club-ni (TMSC) member Aneesh M. Sangma, Blueband Sports Rallly of Coimbatore 2025-ni susaanio, Group F-ni (FMSCI) ning·o Gypsy Class-o skanggipa ong·e cheaha.
July 25-oni 27 tarikona ong·atgipa ia rally, Federation of Motor Sports Clubs of India-ni (FMSCI) dakchakgipa, India-ni nambatgipa motorsport series – Indian National Rally Championship (INRC)-ni gnigipa bak ong·a.
Coimbatore Auto Sports Club-ni (CASC) ong·atgipa Rally of Coimbatore-ko namen neng·gipa aro ga·nanggijagipa biaprango aro namen an·saoani gnang susaanina mingsinga. Ia susaaniona a·songni nambatgipa rally driverrang aro iandakgiparangna gisik nanggiparang re·baronga.
Coimbatore-ni Dingky Varghese baksa bakrime, ia salgnina ong·atgipa susaanio, dikdiksa somoirangkosan jakkale ia susaaniko matchotataha:
- 1-gipa sal: 01:07:46.000
- 2-gipa sal: 00:33:30.700
Uamangni name aro gisik nange krenge rong·krekraragipa biaprango salanirangchi uamangni susaani chegipa ong·e TMSC-na skanggipa changna cheaniko aro Meghalaya-na rasongko ra·baaha.
“Anga namen kusiniko man·aha. Ta·rake salani, noksikrangko niani, simsakani pilakko dakanio so·sojengjeng ong·a, gari-ko name chalaina changa-sapani ong·a, indiba ia pilakan angko an·saoata,” ine Aneesh chegipa ong·ani ja·mano parakataha.
Ia cheani-ara Sangma-na, gariko ta·rake salani bidingosan ong·aija indiba bilsi 20-na niksamsoaniko chu·sokatna krengani ong·a. “2005 bilsio Garo Hills-o skanggipa changna national rally-ko ong·ataniko nikchengaonin, motorsport-ara angni nina namnikgipasan ong·aija, indiba iakon dakna angna donsoaha ine anga u·ina man·aha,” ine ua aganaha.
Ua uni cheaniko biaptangna bimungo ra·chakaha aro Meghalaya-ni Skotong Minister Conrad K Sangma, MLA Sanjay Sangma (Mahendraganj) aro Directorate of Sports and Youth Affairs-ko una dakchakahanina mitelaha. “Ian Garo Hills-na, Meghalaya-na, aro Salgro-Salaram gimikna cheani ong·a. Gisik nangani baksa krenganiko dakon chu·sokaniko man·a ine iachi mesokaha.”
TMSC-ni saksa member ong·pae, Sangma Garo Hills-ni ong·atronggipa rallu Bilgaro-koba ia susaanio janapaha, aro uano bang·a manderangan Bilgaro-ni gimin u·ia ine nikau a kusi ong·beaha.
Batanggimin bilsirango INRC-ni susaanirangko ong·atanio somoirang melijani a·selo bang·a manderangan bak ra·na man·jaha indiba re·baenggipa November 2025-o chang-10 gipa Bilgaro -onade (Bilgaro X) ka·dongsoe aganaha. “Anga an·tangan gari salna changbatgiparang aro JINRC team-rangko okamataha. Ia bilsi-de bilakbate susaanirangko nikna ka·dongsoenga, aro iako ong·atani pangnana bate dal·batgen ine niksamsoenga,” ine ua agandapaha.
Na·simang iakoba nina man·gen:
Na·simang iakoba poraina man·gen: Meghalaya a·doko namgipa sana bananiko on·anina Babadam PHC, National Quality Certificate-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
