Tura, June 10: East & West Garo Hills Wildlife Division, Tura, Aaranyak aro Wildlife Crime Control Bureau (WCC) baksa bakrime, Forest Departmentni field staffrangna skie on·ani aro mikrakatani programko CF Conference Hall, Dakopgre-o salgnina ong·atangaha aro Monggolbar salo matchotataha.
Ia programko ong·atanio CAMPA Fund 2024-2025 tangka-paisarangko on·e dakchakaha aro Meghalaya Sorkari-ni Department of Forest & Environment nirokataha. Iano bang·a dingtang dingtang skie on·anirangko dakangaha jekai matburungrangoniko man·gipa bosturangko u·iani aro bading-chiwalani gimin ma·sie ra·ani, jachipchangko jakkale matburungrangko rim·ani, chipu rim·ani, chipu suaniko champengani, do·o-matrangni kosako ong·gijagipa kamrangni gimin talate on·ani, mongmarangni dongchakani, aro mongma aro mandeni gisepo obosta ong·anirangko komiatani.
Divisional Forest Officer, Rupankar K Marak, MFS, do·o-matrangko ripingna aro mande aro matburungrangni gisepo obosta ong·anirangko namatna kam ka·na forest officerrangna skie talate on·angaha.
East aro West Garo Hills a·jarangoni sak 60-mang forest staffrang -chong·motan deputy rangerrang, range forest officerrang, forest guardrang, aro dingtang dingtang field staffrang iano bak ra·angaha. Do·o-matrangko ripingani bidingo u·ina nanggipa kattarang, niamrang aro bewalrangni gimin dingtang dingtang u·i-ma·sigipa manderang jekai Bijay Singh Basumatry (WCCB), Dr. Dipankar Lahkar (TRCD), Dr. Jayanta Kumar Roy (HRCD), Dr. Jimmy Borah (LAD), aro Hiten Baishya (ERCD), ia sessionrango skie on·anirangko dakangaha.
Na·simang ia video-koba nina man·gen:
Na·simang iakoba poraina man·gen: Raja Raghuvanshi-ko so·otgipani case-ko ta·raken bichalna Conrad ku·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
