TURA, Dec 4: Okningo jo·ong donganichi saaniko champengna gita National Deworming Day-o pangchake Meghalayao bi·sarangna on·gipa Albendazole sam namgipa ong·ja ine Assamni laboratory damsao samko porika ra·e nion u·ina man·aha. Uan a·dok sorkarini on·gipa sam ong·a, jekon skulrango, Anganwadi centrerango aro hospitalrangoba on·a. Ua samko sorkarini ra·chakgimin laboratoryon nipilaha aro namgipa gadangni ong·ja ine nikaha.
Ua samni nama namgijako Assamona watate nion, namgipa ong·ja ine nike, West Garo Hillsni hospitalrango sualaniko ra·galpilchina gita drug inspectorni hukum on·gipa lekkako Hub News man·aha. Ua apsan samkon Khasi Hills, Jaintia Hills aro a·dokni skotong songjinma Shillongoba sualaha ineba agana.
Aiao inmananide, ia bilsio ua samko bi·sarangna on·ani jasamang ja·manosa, Novermber jani 6 tariko, ua sam namja ine nike Drug Inspector uko ra·galpilchina hukum on·aha.
Ua sam Albendazole tablet ong·a, jekon Himachal Pradesh a·doko M/S Maxtar Biogenics taria
A·dok sorkarini ra·chake jakkalgipa Regional Drug Testing Laboratory, jean Guwahatio donga, uanon a·dokona ra·bagipa samrang namama namja nichengronga. Samko uano niaton bi·sarangna sualna ra·bagipa sam IP gadangona sokdoja aro “standard quality” ong·ja ine nikaha.
Laboratoryo niani reportko man·soon ua samko Tura Civil Hospital, Maternity & Child Hospital aro sorkarini gipin hospitalrangona sualataniko dontongatchina Inspector of Drugs hukumko on·aha, indiba ua samko bi·sarangnade on·manaha ineba nikaha.
“Samrangko nina gita Meghalayao testing laboratory dongjani gimin uarangko Assamonasa watata, aro uarangko niani reportko man·sona ru·utronga. Ia changoba reportko man·sonan jadok nangaha. Samrangkode somoi gitan on·na nangani gimin bi·sarangna sam on·ani kamrangkode a·bachengatsoaha,” ine medical officer saksa aganaha.
Dal·gipa sing·anide, ua samrangni nama namgijako name nichenggipa uarangko ra·bana aro sualate bi·sarangna on·na gita sawa rai on·dilaha ine ong·enga. Uan a·doko bang·a janggirangna simsakgija dakanisan ong·aija, bang·bea tangka paisakoba indina bon·atani ong·aha.
Iakoba poraie nina man·gen: Telangana-o sildoreng ga•aksrue a•sel ong•anio IAF-ni pilot sakgni sia
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
