Shillong, Jan 27: Garo Hills Autonomous District Council (GHADC)-ni constituency-rangko gital dake sualpiltaina GHADC-ni term-ko ra•dodapchina dilgiparang didiatahani gimin GHADC election-ko ra•doani cholrang donga ine chanchichipanirang ong•katengon, ia election-ko ra•dojawaha aro bakan election-ko ong•atani bidingo sorkari chanchianggnok ine Mongolbar salo, a•dokni Deputy Chief Minister aro District Council Affairs (DCA) Minister Prestone Tynsong parakataha.
GHADC election-ko ong•atani bidingo a•dok sorkari aro Cabinet tik ka•angahaon, election-ni bidingo jinmana parakatgnok ineba ua, kobor ra•timgiparangna aganaha.
GHADC-ni term, re•baenggipa April jani 18 tarikon bon•engahani gimin una skangan election-ni kamrang matchotna nanggnok ineba Tynsong aganaha.
Garo Hills-o Special Identification Register (SIR)-ko ka•china dabitokenggipani bidingo janapatengon, SIR-ko dakanide Election Commission-ni daitosa ong•a aro Election Commission-ni ge•etaniko man•ani ja•mansa iako dakna man•a ine DCA Minister parakataha.
Na·simang iakoba nina man·gen:
Na·simang iakoba poraina man·gen: Shillong Cantonment-ni kajinako tang·onatchina Shullai mol·mola
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
