Shillong, Sept 20: Achik National Volunteers Council (ANVC) aro ANVC.B-ni Agreed Text of Settlement-ni ning•ao soi ka•gimino pangchake, Garo Hills Autonomous District Council-ni (GHADC) tangka-paisarangna neng•nikanio dakchakchina Meghalaya sorkari ma•mong sorkarioniko kror Rs. 664.49 tangkarangko on•china dabiaha.
Ianoniko, ja-43na man•gija dongenggipa GHADC-o kam ka•giparangni dormaharangko gamna ine Kror 252 tangkarangkoba bi•aha.
“India sorkari, Meghalaya sorkari aro ANVC aro ANVC-Bni gisepo soi ka•e ra•gimin Agreed Text for Settlement-o pangchake, GHADC-ni kamrangna aro nanganirangna, gimik-gimang gong 664,49,27,382 tangkarangko on•china ma•mong sorkario dabienga. Uni gimin Council-ni nanganirangna ia tangka-paisarangko on•atchina anga mol•molaniko on•atenga,” ine Commissioner & Secretary in-charge Planning, Investment Promotion and Sustainable Development Department, Dr Vijay Kumar, ministry of Home Affairs-ni (MHA) Secretary-na chittio see u•iataha.
Ministry of Environment Forest and Climate Change, burung-bolgrimrangni dingtang dingtang kamrangko ka•na Rs 308,14,27,382 tangkarangni project-rangkoba ra•chakaha ineba ua parakataha.
Solar Street Light-rang, songrangni antidamrangko namdapatanirang, aro bolam-bite ge•a-gamanirang aro uarangoniko dingtang dingtang bosturangko tarianirangni DPR-rangni kror 104.34 budget-koba on•ataha.
“Una agreba, Council-ni kajinarang namen komiahani gimin, Council-o kam ka•giparangni dormaharangko on•na man•jaengani gimin, Rs. 252,01,00,000/-ni one-time grant-ko on•chinaba mol•molaha,” ine Dr Kumar parakataha.
Na·simang iakoba nina man·gen:
Na·simang iakoba poraina man·gen: TCC Chang 8-gipa Foundation Day-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
