Tura, Sep 20: Tura Christian College (TCC) chang 8-gipa Foundation Day-ko Sonibar salo maniangaha.
Ia manianio, Meghalaya Legislative Assembly-ni Opposition Leader Dr. Mukul M. Sangma aro Captain Williamson Sangma State University-ni Registrar Ambrose Ch. Marak mongsonggipa sokgipa ong·e bak ra·angaha. Uamangna agreba ia tom·anio, niksenggipa manderang, songsalko dilgiparang, NGO dilgiparang, mondolini dilgiparang, Tura-o donggipa college-rangni skotong dilgiparang, ja·del bolchagimin manderang aro Rongbakgre-ni nokma dongpae bak ra·angaha.
TCC-ni Vice President Beryl B. Sangma, Tura Christian Academy (Higher Secondary Section)-ko 2010 bilsio a·bachengataoni da·alona chalaibaani gimin talate on·angaha.
Indake, Baptist giljani dilgiparangni lekka pora bidako on·a on·gilpaani gimin aro niksamsoanirangkoba ua aganaha.
Mongsonggipa sokgipa Ambrose Ch. Marak, TCC-ko a·bachengatgiparang, dangdike on·giparang aro faculty memberrangna nama skaniko on·an baksa mandesal ong·e sakgipinrangna dangdike on·china didiangaha.
Dr. Mukul M Sangma-ba, skigiparang ‘Blacksmiths’ ba silkamal gita ong·a, uamang chatro chatrirangni taningko matsrame wil·giparang ong·a ine aganan baksa gitalgipa cholrangko ra·anio policymaker, ma·a paarangni aro songsalni dakna nanggni dai ong·a ine aganaha.
Ia manianio, skigiparangoni bimchipe dangdike on·ahanina mande ra·pilskaani gita Baldhora M. Sangma aro Sungjungmenla M. Sangma-na Best Teacher Award-ko on·aha.
Na·simang iakoba nina man·gen:
Na·simang iakoba poraina man·gen: Gaurav Gogoi, Zubeen Garg sagiko mande ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
