Shillong, Mar 17: Garo Hills Autonomous District Council (GHADC) election-rango A•chik Scheduled Tribe (ST) candidate-rangsan susana man•na gita aro electoral roll-rango Tribal-rangkosan biming segatna gita GHADC-ni niamrangko bilakbatatchina Garo Hills-ni saksni social activist-rang, chong•motan Greneth M Sangma, Shiva Sangma, Flaming Marak, Emanuel Ch Marak, Cherian Momin, Browny M Marak aro Nilbert Ch Marak, Meghalaya a•dokni Governor CH Vijayashankar-ko gronge, memorandum-ko on•angaha.
Iani bidingo a•dokno Governor-na seachi u•iatengon, GHADC election-rango Tribal ong•gijagipa manderangni bak ra•ani, electoral roll-rango biming dongpaani aro Tribal-rangni a•arangko ra•aniara, Sixth Schedule-ni miksonganikon pe•a ga•akenga ine saksni social activist-rang parakataha.
A•dokni Governor ong•e, iandakgipa niamrangni bidingo ge•etaniko on•na uo bil donga ine janapatengon, Indian Constitution-ni Article 244(2) aro Sixth Schedule-ni ning•o Garo Hills-ni Tribal-rangko chel•chakna dongimin niamrangko chel•chakchina gita Garo Hills-ni social activist-rang, a•dokni Governor-ko didiataha.
GHADC election-o susana gita Garo Tribal candidate-rangnasan cholko on•china didiatengon, susaenggipa candidate-rang, Meghalaya a•doko songdongkamgipa ba atchikamgipa ong•na nanga ine social activist-rang ku•pattianiko on•angaha.
Una agreba, GHADC electoral roll-rangko Special Intensive Revision (SIR) dakatenba, Tribal ong•gijagipa manderangni bimingrangko den•galchina, Tribal ong•gijagipa manderangna a•a patta on•aniko champengchina aro a•kawe jolrango Tribal-rangni a•arangko Tribal ong•gijagipa manderangna palaniko champengatchina gitaba saksni social activist-rang a•dokni Governor-ko didiataha.
Na·simang iakoba nina man·gen:
Na·simang iakoba poraina man·gen: WGH-o March 18-ona kingking curfew-ko ra·gatanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
