Tura, Mar 17: West Garo Hills a•jani police-rang, Tura-ni Araimile jolo, re•ruraenggipa gari gorarangko nirokengmiting somoio adita silchidarerangko man•aha aro iani bidingo sing•sandina gita adita sak manderangko rim•aha.
Police-rangni u•iatani gitade, Sombar salo, Araimile gita re•ruraenggipa garirangko nirokengmiting somoio, atte, hatturi, batdil, churi aro uandakgipa bosturangko baditaba bol garirangoniko man•aha.
Bosturangko man•gipa garirango songregiparangko police-rang rim•e sing•sandion, uamang Garo Hills-ni a•kawe jolchipak re•angengachim ine ku•rachakaha.
Ia manderang mai miksonganio ia silchidarerangko ra•angengachim, iani bidingo police-rang ning•tubate am•sandienga ine official-rang parakataha.
Indake ong•engon, so•sojengjeng ong•anirangko champengna gita West Garo Hills a•jani police-rang, mongsonggipa biaprango chel•chakgipa sipai dolrangko donataha aro nirok sandianirangko bilakbatataha ineba official-rang u•iataha.
Banoba so•sojengjeng ong•atna siengani gimin koborrangko man•genchimode sepangbatgipa police station-ona ba Tura-ni Police Control Room-ona +91 8837423053, +91 7005530510, aro +91 9089199064 nombor-rangona ka•e u•iatchina gita police-rang, manderangko mol•molataha.
Na·simang iakoba nina man·gen:
Na·simang iakoba poraina man·gen: GHADC-o gipin jatrangni bak ra•aniko champengchina Governor-ko didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
