Tura, December 2: Garo Hills Autonomous District Council-o (GHADC) kam ka•giparangna jaanti somoi gita dormaharangko on•na a•bachengaha ine , West Garo Hills a•jani Deputy Commissioner Vibhor Agarwal parakataha.
Ia ra•gatgimin gital cholni mongsonggipa miksonganide re•baenggipa jarango ja-ni skanggipa tariko dormaharangko on•na ine ong•a. Ia ja•kuko de•anichi GHADC-o kam ka•giparangna uamangni neng•nikanirangko namatani aro ka•donganiko on•aha. November ja-ni dormaharangko bank-rangona watataha aro bang•bata kam ka•giparangna da•o on•man•aha.
Ia gitalgipa dormaha on•ani cholko ra•gatanichi sak 1,300-mang GHADC-o kam ka•giparang namgniko man•aha, aro iano chu•gimik kror 7-mang tangkarang koros ong•aha.
October ja-o dormaharangko on•ninggijani a•selara ia gitalgipa cholko ra•gatna kam ka•ani a•sel ong•aha jeon account number-rang aro dingtang dingtang lekkarangko ra•e tariaha ineba DC Agarwal talate on•angaha.
Ia gitalgipa ra•gatgimin cholni ning•ao tangkarangko jakkalanirango donnuani gri ong•na gita bilsigittamna donna man•gipa Escrow account-ko jakalenga. Iani miksonganide, ia bilsi gittam Escrow period matchotna skang, GHADC-ko ja•atango chadengna man•atna ine ong•a, jedakode GHADC darangoba pangchakna nangani donggija biltango pangchakna mang•en.
Indake GHADC-o kam ka•giparang an•tangtangni dormaharangko man•soe namen kusi ong•aniko parakataha aro a•dokni skotong minister Conrad K Sangma-ko mitelangaha.
Na·simang iakoba nina man·gen:
Na·simang iakoba poraina man·gen: Resubelpara-o Job Mela-ko ong•ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
