Imphal, June 10: 2026 bilsini May 13 tariko, Leilon Vaiphei songoniko rim·srukanggipa sak 6 Naga manderangni sigimin manggisirangko Kangpokpi a·jaoniko Budbar salo man·aha ine Official-rang u·iataha. Ia ong·a obosta Naga aro Kuki jatrangni gisepo nanggrikanirangko namjabataona sokataha.
Ia manggisirangko, Manipur police, CRPF aro Assam Rifle-rangoni sak 450 personnel-rangni konta 24-na am·sandianiko daka ja·man man·aha. Ia sigimin sak 6 Naga manderangara, Kotlen-o misilbee chadrapa ja·man Kuki dolrangni, Konsakhul songoniko sak 18 Naga manderangko rim·srukanggiparangoni ong·na nanga ine chanchichipenga.
U·iatani gitade, sak 18 Naga manderangko rim·srukanga ja·man ia obostarang namjabatna a·bachengaha. Iana aganchakani gita, Naga dolrangba sak 28 Naga manderangko rim·srukangskaaha. Mongolbar salo, United Naga Council (UNC)-ni dakchakanichi rim·srukanggipa sak 14 Kuki manderangko naljokatenba, Senapati District Administration-na pakwatataha.
Indake ong·engon, ia ong·enga obostarangko namatpilna ka·dongsoaniko, rim·srukanga man·gipa sak 6 Naga manderangni sigimin manggisirangko man·achi bon·chongdikataha ine Official-rang aganangaha. Chel·chakgipa dolrangni aganani gitade, ia ong·a obostara namen dukni ong·an baksana jolo tom·tomaniko ra·bapilna jotton ka·anina dal·bea neng·nikaniko ra·baaha.
Police-rang ia siani bidingo am·sandianirangko a·bachengatani gisepon, ia ong·a obosta, Manipur-ni a·briarigipa a·jarango Naga aro Kuki jatrangni gisepo nanggrikanirangko bilongbatatnaba donga ine authority-rang jajrengsoaniko parakataha.
Na·simang iakoba nina man·gen:
Na·simang iakoba poraina man·gen: Modi Government-ni bilsi 12 gapaniko manina: Bi•ani aro Resolution Meeting-ko BJP ong•atanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
