Shillong, May 29: Sohra jolo gimaenggipa Indore songjinmaoni tourist sakgniko, dingtang dingtang dolrang sandiengkua aro ia tourist sakgniko bakan man·pilna ka·dongenga ine Bristibar salo, Meghalaya a·dokni Chief Minister Conrad K Sangma parakataha.
Madhya Pradesh a·dokoni re·bagipa mande sakgnini iandake Sohra, Cherrapunjee jolo gimaaniara namen rasong griani ong·aha ine an·tangni suk ong·gijaniko parakatengon, iani bidingo una Madhya Pradesh a·dokni CM aro Home Ministry-oniba ka·e sing·sandiatahani gimin ua an·tangan gimaenggipa manderangko sandianio kamrangko ka·dilenga ine Sangma aganaha.
Chief Minister-ni aganani gitade, gimaenggipa manderangko sandianio SP, district administration aro police dolrangsan ong·aigija, jolo donggipa dingtang dingtang songni manderangba walang salang kamrangko dakchake on·enga.
Gimaenggipa manderangko sandianio je man·gipa technology ba kolrangkode uamang jakkalenga ine janapatengon, ia jolrangara mikka waanina mingsingako man·gipa biaprang ong·a aro ian mikka wachakatani somoi ong·engahani gimin gimaenggipa manderangko sandianio adita neng·nikanirangko chagrongna nangtokenga ine Sangma aganaha.
Ia mande sakgnini para ra·anggipa bike-ko ramao gale donako man·ahani gimin ian uamangni samba jolrangona ja·achi re·ange nina jotton ka·aniko mesokani chinba ong·enga ine janapatengon, ia ramarangara da·o gita wachini somoirangode namen rimila aro ga·nangja ine Chief Minister aganaha.
Gimaenggipa mande sakgniko sandianio dingtang dingtang ra·bianirangko chagrongna nangengoba ia manderangko bakan man·na ka·dongenga ine Sangma aganskaaha.
Gimaenggipa manderangko sandianio bakrimanirangko on·engani gimin ua dingtang dingtang songni manderangkoba mittelpilangaha.
Na·simang ia video-koba nina man·gen:
Na·simang iakoba poraina man·gen: Assam CM-ni Vigilance Cell mikkango Cong-ni dilgipa Ripun Bora mikkangpaea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
