Shillong, May 29: Shillong songjinmani Umsohsun-o skul re·angenggipa me·chik bi·sako kragija skirt kikdoenba video ka·e rogipa bilsi 24 ni mande saksako policerang rim·na man·aha. May 24, 2025-o ia video social mediarango gipangani ja·man Police dolrang iako namedake sandina a·bachengaha ine East Khasi Hillsni SP Vivek Syiem aganaha.
Kragija kal·ake roako man·gipa me·chik bi·sani dongramko uiani ja·man uko porikka ra·e niaha aro dos dakgipani kosako Bharatiya Nyyaya Sanhita (BNS) 76 aro 79-o aro POCSO Actni niam-o pangchake Lumdiengjri Police Station-o FIR ko segatangaha.
Apsan dakgipa a·sel May jani 19 tariko sakgipin me·chik bi·sakoba ua mandean ong·gija dakaha aro Sadar Police FIR-ko segataha ineba SP Syiem talataha.
Ia rim·ako man·gipa mandeara Assamni Jorhat songjinmani Himan Gogoi minggipa ong·achim. May 28 tariko Woman Police SI Lavinia Kongwang aro gipinrang Jorhat-ona re·ange, Teok Police station-ni ning·o donggipa Lahdoigarh outpostni policerangni dakchakanichi Bamkukurachua songoniko ia mandeko rim·eaha. Ia mande ma·drangni noko dongnue dongengachim. Adita dakna nanggni kamrang donganigimin da·omiting Gogoiko Shillongona rimbachengaha. Ua Jorhatni District Court-o bichalna chadengna nanggen.
Na·simang ia video-koba nina man·gen:
Na·simang iakoba poraina man·gen: Gimaenggipa tourist sakgniko ta·raken man·pilgen ine CM ka·dongenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
