Shillong, July 14: Ri-Bhoi a·jani National Highway 06-o gipok rongni Bolero gari AS-01 EH-2052 ta·rakprete Guwahati-chipakna salangengmiting-o Umsning Police Station ni ning·o donggipa Sohbhala songo bikpile a·sel ong·aha.
Ia a·sel ong·anio darangba saknaako man·jaha indiba gari namen nosto ong·ako man·aha.
Ia NH-06 rama sorokrangko chakka ronggni gnanggipa garirangko salenggipa manderang ta·rakprete garirangko salenga aro unbaksana Sonibar aro Robibar pringni bakrangko stunt ka·e rona ia ramako jakkalenga. Iandake dakanichi uamangni jangginasan kenchakani ong·aia ong·ja indiba ia ramako re·ruraenga garirangna aro manderangni janggina kenchakani ong·enga ine nikna man·a.
Iandakgipa kamrangchi a·sel ong·aona sokaniko champengsona Ri Bhoi Police dol, traffic niamrangko ja·rikgijagipa motorcycle-rangko fine gamata baksa rim·engaha. Indake, gipin a·dokoni re·bae iandake niam pe·gipa adita rider-rangkoba rim·aha ine department-oni parakataha.
Uasan ong·aigija, ia NH-06 rama sorokrango stunt ka·e rojachina aro ta·rakprete garirangko saljachina bike salgiparangko mol·molataha aro ia niamrangko ja·rikjagenchimode niamo pangchake rakbata sastiko on·gen ine mikrakatanikoba on·ataha.
Re·ruraenggiparangni naljokanina highway ramarangko authority-rang nirokaniko dakenga.
Na·simang iakoba poraina man·gen:
Na·simang iakoba poraina man·gen: Winter Capital-ko dabina Kharkutta-o tom·bimonga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
