23.8 C
Tura
spot_img

GSU, Western Zone Ampati DC office mikkango asonge jingjengata

Must read

Ampati, Nov 30: Garo Students Union (GSU) Western Zone (South) Ampati, Sombar salo asonge jingjengataniko Ampati DC office mikkango ong.atangaha. GSU President Te Salman D. Sangma-ni kobor ra·timgiparangna seachi u·iatani gitade GSU-ni dabianirangko sorkari chu·sokate on·kujaengani gimin re·anggipa November 23 tariko tom·aniko ong·ate mingbri niamrangko ra·gate November 26 tariko South West Garo Hills-ni Deputy Commissioner (DC)-na on·ahachim.

GSU-ni ra·gatgimin niam gita dabianirangko chu·sokatjagenchimode November 30 tariko asonge jingjengataniko dakanggen ine parakataha.

Uni gisepon South West Garo Hills-ni dilgipa-rang maming aganchakaniko on·jahani gimin Sombar salo asonge jingjengataniko dakangaha ine u·iataha. GSU-ni ra·gatgimin mingbri niamrangara, Poraienggipa chatro chatrirangni namgnina Government College (ba) da·o ong·enggipa Ampati Degree College-ko ra·doan baksa pangkamgipa college dakchina aro ja·manchakenggipa biaprangni chatro chatrirangna pilak namgnirangko on·na man·na gita college-ko namroro silroroate on·china dabianian ong·achim.

Gnigipao, ta·rake weigh bridge-ko songe South West Garo Hills, State Highway-12, Ampati gita Bangladesh-ona ro·ong salruraniko dontongatchina ru·uta sal somoirangonin GSU, district ni official-rango dabiengachim, indiba sorkari ia obostarangni gimin mamingkon knachaksrangja ine GSU dilgipa sorkariko jaksi otaha. Gittamgipao, Ampati Integrated Farmers Market (IFM)-ko rika matchotaoni da·alona kingking bangbang indin rike donengani gimin ta·rake IFM-ko a·bachengate ba oprake on·china Union sorkariko aganahachim, jedakode kangal cholgri manderang ua antidamko a·bachengate on·genchimode dokan dake bosturangko pale sim·e cha·na namgipa chol ong·gen aro uamangna dokan bara-rangko kraa damo tik ka·e on·china gitaba dabiahachim, indiba sorkari maming gisiko nangjaaha.

Brigipao, Maternity and Child Hospital-ko Ampati-oniko songsul Bangladesh sima ari sambao donggipa Mahendraganj-ona ra·jitangani gimin Union raken jegalataha. Ua hospital-ko rikgenchimode gimikna altugipa biap district-ni Skotong song Ampati-osa rikna nanga ineba Union dabiangaha aro uko Ampati-ona ra·bapilchina GSU-Western Zone raken dabiangkuaha. Ia mongsonggipa GSU-ni dabianiko knachakajani bidingo chinga jegalaniko ba namnikgijaniko mesokna Sombar salo asonge jingjengataniko dakangaha ine GSU President janapataha.

spot_img

More articles

spot_img
-->

Latest article