Boko, Sep 4: NABARD aro CML-Tata Trusts-ni dakchakachi me•chikrangni kuligipa Pragati Krishak Krishi Samabai Samiti Limited (PKKSSL)-ni tom•bimonganiko Bristibar salo, Boko Chaygaon constituency-ni ning•o donggipa Bandapara songni Janta Bhawan-o ong•atangaha aro ia tom•anio National Cooperative Development Corporation (NCDC)-ni Regional Director Robert H Thouthang, Spices Board of India-ni Deputy Director Dwijendra Mohan Barman, Assam Gramin Vikash Bank Boko Branch-ni Manager Rakesh Pratap Singh, dingtang dingtang official-rang aro PKKSSL-ni ning•o kam ka•e cha•enggipa bang•bea me•chikrangba bak ra•angtokaha.
Ia PKKSSL-ko 2023 bilsini June 23 tariko, Assam Cooperative Societies Act 2007-ni ning•o bikotaha aro da•o ia society-o Boko Development Block-ni ning•o donggipa dingtang dingtang songrangoni sak 551 me•chikrang, membor ong•e bak ra•tokenga.
Ia tom•bimonganio, Spices Board-ni Deputy Director Dwijendra Mohan Barman, jinmana aganprakengon, gul muris aro holdirangko gipin a•songrangona watna man•na gita an•tangtangni gama ge•anirangko bariatchina, game ge•e cha•giparangko didiangaha.
Ia jolrango ge•e man•gipa gul murisrangko gipin biaprango manderang bang•en am•tokronga ine janapatengon, iandake gul muris aro holdi ge•aniko bariatanichi ia jolrango donggipa me•chikrangna pangkamgipa janggi tangani cholrangko on•na man•gen ine Barman aganaha.
Ia tom•anio, NCDC-ni Regional Director Robert H Thouthang-ba jinmana aganprakengon, salgro salaram jolrango manderangni janggi tangani gadangko ra•dona gita gong crore 850-ko chamataha aro Assam-o da•o register ka•gipa Farmer Producer Organisation-rang dol 92 gapaha ine parakataha. Meghalaya a•doko wakrangko jile cha•na gita NCDC, gong crore 200-na baten tangka paisarangko koros ka•aha ineba ua aganaha.
Na·simang iakoba nina man·gen:
Na·simang iakoba poraina man·gen: M’laya-ni DGP drugs jakkalani batroroanina mikrakataniko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
