Guwahati, Nov 5: Ru·utbea bilsirangni ja·mano Guwahati-ni chisamrango rama re·ani aro cycle salani ramarang, asongchakanirang aro kal·chakani biaprangko tarianichi gitalgipa nitobegipa ong·aniko nikna man·aha. Gujarati-ni Sabarmati Riverfront model gita Assam sorkarini kam ka·gipa ia project-ko November 7 tariko Union Finance Minister Nirmala Sitharaman oprake on·anggen.
Ia Smart City Mission-ni ning·o rikgipa tangka kror 300-ni project Brahmaputra chibima rikamo km 1.2 joljol dakanga. Ia gital dake tarigimin chisamrang manderangna rama re·e rona, cycle sale rona, neng·takna aro chibimani nitoaniko sepange nie rona cholko on·a. Iarangko tarianichi ua jolo songdonggipa manderangna aro tourist-rangna, mongsongbate tom·tome neng·take rona skenggipa budepa-buchumarangna re·bae rona cholko on·gen ine niksamsoenga.
Iarangko tarianirango bi·sarangna kal·chakram biap aro musical park-rangkoba tariaha.
“November 7 tariko, an·chingni Finance Minister Nirmala Sitharaman Guwahati-ona re·bae mongsonggipa project minggnirangko oprake on·anggen – Gateway of Guwahati aro Guwahati Riverfront. Sabarmati Riverfront gitan chinga Smart City Mission-ni ning·o tangka kror 300-na baten jakkale Guwahati Riverfront-ko tariaha,” ine Assam Cabinet Minister Jayanta Mallah Baruah kobor ra·timgiparangna aganaha.
Ia km 1.2 ro·gipa tarigimin chisamo cholguga ge·sni, musical park-rang aro Assam-ni dingtangmanchagipa dakbewalrangko mesoke tarianirang donga. Ia chisam-an Brahmaputra jolo tourist-rangna rona namnikbatgipa biap ong·anggen ine ua aganangaha.
Guwahati-ni Riverfront-o gitalgipa biaprangko tarianichi tourism aro mikkangchina pangkamgipa tariani cholrangko dake songdonggipa manderangna ong·telaigipa biaprang baksa nangrimna cholko on·gen ine ka·dongsoenga.
Na·simang iakoba nina man·gen:
Na·simang iakoba poraina man·gen: Dy CM sakgnini gisepo meligrikjaenga ine jangbingbangako NPP jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
