Shillong, Nov 5: Meghalaya a•dokni Deputy Chief Minister aro National People’s Party (NPP)-ni dilgipa Prestone Tynsong baksa meligrikna man•jaenga ine jangbingbanganiko Budbar salo, a•dokni sakgipin Deputy Chief Minister Sniawbhalang Dhar jegalatenba, uamang NPP-ni ning•o meli-nangrimen kamrangko ka•enga ine parakataha.
Iani bidingo kobor ra•timgipa manderang baksa agangrikengon, Tynsong aro uni gisepo meligrikna man•jaenga ine koborko on•aniara kakket ong•ja ine Dhar parakatenba, iandake kobor on•gipa manderangko kema bi•china ua dabiangaha.
Deputy CM Prestone Tynsong, a•dokni Chief Minister Conrad K Sangma aro ua sakgittaman meli-nangrime kamrangko ka•enga ineba Dhar parakataha.
NPP sorkariko dal•gipa aro kusi ong•gipa nokdang ine janapatengon, NPP-ni ning•o saksa sakgipinko mikneng mikbugrikna gita biap dongja ine Dhar a•kangataha.
2028 bilsini Assembly election-na party tikitko sualani bidingo janapatengon, da•o dipet iani bidingo chanchirimna gita agre seng•gnangdugakuenga aro election-ni kamrangna batede uamang namroro silroroani kamrangnasa gisik on•batkuenga ine NPP-ni dilgipa aganaha.
2028 bilsioba NPP, batanggimin change gitan seat-rangko chegoptaigen ineba ua an•tangni ka•dongchakenganiko parakataha.
Na·simang iakoba nina man·gen:
Na·simang iakoba poraina man·gen: Tikrikkila-ni AMPT Road-o mata-bua gnang mande saksani manggisiko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
