Guwahati, April 29: Adita salrangna skang Guwahati-oni gimae Shillong-ona sokanggipa Bhabana Sharma, an·tangna ong·gipa obostarangko social media-o parakatenba, ru·uta sal-somoirangna ua gisikni neng·nikani aro sakgipinni jako ka·mikkenatanirangko man·aha ine aganangaha.
April 24 tariko ua an·tangan nokoni ong·katangaha, aro uko darangba rimangjaha ine Sharma talataha. Uandake ua Jalukbari-ona re·angchenge ja·mano Paltanbazar-oni Shillongona re·angaha ine aganaha. Ua somoio an·tangko kengnigipa obostao ga·akenga ine an·tangni ma·gipana kobor on·ataniara tol·gipa kattasa, aro unomiting ua gisikni namen sinjetanirangko man·engachim ineba ua aganangaha.
Sharma an·tangan Shillong-o hotel damsaona re·angaha ine janapaha, aro CCTV-ko nion ia kakket ine nikna man·aha. “Anga namen jajrengaha, jaja-jiji ong·aha aro chanchina changjaha. Unomiting anga dikdiksade an·tangko so·ote sinaba chanchiaha, indiba nokchin re·pilgen ine ja·mano tik ka·aha,” ine ua aganangaha.
Pringgipino ua me·chik saksani dakchakaniko am·e ma·gipana kobor on·ataha aro uni ja·mano Assam Police-ni dakchakanichi nokona re·baaha ine ua agandapangaha.
Ia pilak obostarang ong·ani a·selko parakatengon, bilsi gnina ua Nihar Jyoti Sarma minggipa mande baksa mikcha-ka·sagrikachim indiba uni jako ka·mikkenatanirangko man·engachim ine Sharma parakatangaha. “Anga uko watgenchimode, ua angni private photo-rangko aro video-rangko manderangna gipatgen ine ua angna aganaha. Una agreba ua angko aro angni nokdangni manderangko saknaatgen ine aganaha. Ru·ita somoirangna anga kena gnang janggi tangaha,” ine ua aganaha.
Uandake ua FIR-ko segataha aro am·sandianirangko dakanio bak ra·enga ine janapangaha.
Indake ong·engon, uni bidingo tol·e jangbingatjachina ine ua manderangko mol·molangaha aro iandakgipa obostarangko chagrongenggipa manderangko an·tangtangni gimin parakchina aro dakchakaniko am·china ine aganenba, ua an·tangba da·o ia obostaoni nampilna jotton ka·enga ine talatangaha.
Na·simang iakoba nina man·gen:
Na·simang iakoba poraina man·gen: Tura, Jowai-o boutique hotel-rangko kulina sorkari 75% subsidy-ko on•gen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
