Guwahati, May 6: Assam Assembly election-o changgittamna kingking BJP-chi dilenggipa NDA-ni chegipa ong•ani ja•man Budbar salo, Assam a•dokni Chief Minister Himanta Biswa Sarma, CM-ni kamko watna gita Assam a•dokni Governor Lakshman Prasad Acharya-na an•tangni kam watani chittiko on•eaha.
An•tangni kam watani chittiko Governor-na on•eani ja•man kobor ra•timgipa manderang baksa agangrikengon, a•songni niamo pangchake ua an•tangni minister-rang baksa Governor-na kam watani chittiko on•eaha ine Sarma parakataha.
Gital CM aro minister-rangko seokkujaskal gitcham sorkariko jako ra•kuchina gita Governor, uamangko didiataha ineba kam watangenggipa Assam-ni CM aganaha.
Batanggimin bilsi bongani gisepo sorkarini kamrango pilak nanga dakchakanirangko on•ahani gimin ua Governor-koba mittelpilangaha.
Assam-o gital sorkariko rikani gimin janapatskaengon, party-ni dilgiparang, JP Nadda aro Nayab Singh Saini-ko ia kamna central observer dake songaha ine Sarma parakataha.
Assam-ni gital chief minister ong•na sienggipa BJP legislature party-ni dilgipako da•o dipet seokkuja ineba ua aganaha.
Legislature party-ni dilgipako seokahaon BJP aro NDA-ni dilgiparang, gital sorkariko rikna a•kangna gita Lok Bhavan-ona re•angpiltaigen ineba Sarma parakataha.
Sarma-ni aganani gitade, gital membor-rangni ku•mikchetaniko May 11 tarikni ja•mansa ong•atnaba gnang aro gital membor-rangni ku•mikchetaniona a•songni Prime Minister Narendra Modi-koba okamataha.
Na·simang iakoba nina man·gen:
Na·simang iakoba poraina man·gen: KSU, Wah Prang chibimako moila ong·atanina niamni gita ja·ku de·aniko dakchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
