Shillong, May 6: South West Border Circle-ni Khasi Students’ Union (KSU), East Jaintia Hills-ni Wah Prang chibimako moila ong·atanina jajrenganiko parakatengon, iani bidingo ta·rake ja·ku de·aniko dakchina Meghalaya State Pollution Control Board-na lekka sedoataha.
KSU-ni aganani gitade, ia chibima jolo songdonggipa manderangna namen nangchongmotgipa chi ong·achim indiba da·o ia chio moila ong·ani chinrangko nikna man·engaha. Ia bilsio uamang nikronggija chini rongko nikna man·aha aro ian chi-ni moila ong·rorobaenganiko mesoka ine songni manderang u·iataha. Batanggimin bilsi 5-ni gisepo mongsongbate wachi ra·gatna a·bachengo ia chibimani bang·a na·tokrang sironga ine union aganaha.
Ia bilsio, chini obostarang namjabataha ine nikna man·a maina na·tokrang pil·nipil sian baksana chi-ni rongba namen dingtangbataha. Ia ong·a obostarangara karkana ba koila bikotram biaponi bisi gnanggipa moilarang chiona man·baani a·sel ong·engnaba donga ine manderangni gisiko jajrenganiko nakatataha.
Ia moila ong·ataniara chio donggipa pilak janggi gnanggiparang, samtangtango donggiparang baksana ia chibimao pangchake janggi tangenggipa manderangni an·seng-baljokanina namen namjabegipa ong·a ine KSU mikrakataniko on·ataha.
Iandake chiko moilarara ong·ataniara, Constitution-ni Article 21-ni ning·o manderangni rongtal an·talgipa aro an·seng baljokgipa samtangtango janggi tangani bilni kosako re·badeani ong·a ineba Union janapataha.
Uamang, authority-rang-ko Water Prevention and Control of Pollution Act, 1974-ni gimin gisik ra·atpiltainiko dakataha. Ia niamni ning·o moila aro bisi gnanggipa bosturangko chibimaona wataniara niamko pe·ani ong·a.
KSU, chibimani chirangko bakan scientific-ni gita porikka ka·e nichina, chi moila ong·atani ja·pangko sandichina aro iandakgipa kamko ka·giparangna niamni gita rakgipa sastiko on·china dabiataha. Iani gisepon, uamang chibimako rongtalatpilchina u·iatan baksana mikkangchi iandakgipa obostarang ong·taijachina buring-bolgrim aro chiring chibimarangni obostarangko name nirok sandianiko dakchina union sorkariko mol·molataha.
Na·simang iakoba nina man·gen:
Na·simang iakoba poraina man·gen: Sivasagar-o ULFA-I-ni cadre saksako silchidrerang baksa rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
