Dibrugarh, May 6: Budbar salo, Assam, Sivasagar a·jani Demow Police Station-ni ning·o donggipa Palengi-o ULFA-I-ni cadre Biren Chetia (Rontu Asom)-ko police dolrang rim·aha.
Dhyanpathar songo Biren Chetia-ni donue donenggipa nokni gimin koborrangko man·soenba, Sivasagar-ni SSP Papori Chetia-ni dilanio am·sandianiko dakate uko rim·na man·aha.
Rontu Asom, adita somoirangna skang mangmang Myanmar-o donggipa ULFA-I camp-oni Assam-ona re·baenba, ka·namgija kamrangko ka·na mangsongengachim ine police-rang u·iatengon, ua Palengi-ona sanaba silchidrerang aro bomarangko on·a gita re·baachim ineba u·iatangkuaha.
Am·sandianiko dakmiting somoio police-rang uoniko hand grenade bol chet, bottle grenade bol sa, 9 mm pistol bolsa, guli rong chikkung, tangka gong ₹13,500 baksana dingtang dingtang nangchongmotgipa lekka pancharangko man·aha. Indake ong·engon, am·sandianiko dakgipa dolrang adita bilsirangna skang Demow-o grenade bretatanioba ua jak dongpana nanga ine chanchichipenga jeon saksa mande janggitangko gimaataha.
Koborrangko man·soani gitade ua saksa Myanmar-o skie ra·bagimin cadre saksa ong·an baksana an·tangko on·kange kamko ka·gipa ULFA-I-ni member-ba ong·a. Demow Police Station-o da·o uko sing·sandianirangko dakengon, iani bidingo talbate ma·sian baksana sakgipin manderangba iano bak dongpaengnaba donga ine chel·chakgipa dolrang am·sandianirangko dakengkua.
Na·simang iakoba nina man·gen:
Na·simang iakoba poraina man·gen: W’nagar-o District Level Inter-School Athletics Meet 2026-ko a•bachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
