Williamnagar, May 6: Williamnagar District Sports Association Stadium-o salgnina ong•atenggipa District Level Inter-School Athletics Meet 2026-ko Budbar salo a•bachengataha. Ia Inter-School Athletics Meet-ko Williamnagar-ni District Sports Office, East Garo Hills District Athletic Association baksa nangrime ong•atenga aro ia kal•susaaniko, state-level athletics meet-na East Garo Hills a•jani kal•susagiparangko seokna miksonganio ong•atenga.
Ia Athletics Meet-ko bilsi 14, bilsi 15 aro bilsi 16-ni ning•o ong•gipa bi•sarangna dingtang dingtang gadangrango ong•atenga aro ia kal•susaanio, Samanda Block, Songsak Block aro Rongjeng Block-ni ning•o donggipa dingtang dingtang skulrangoni sak 400-mangni gita chatro chatrirang bak ra•enga.
Ia District Level Inter-School Athletics Meet-ko ong•atani bidingo East Garo Hills a•jani District Sports Officer aro Directorate of Sports & Youth Affairs-ni Assistant Director Saljagring M Marak, Hub News-na talate on•angengon, bilsi 14-ni ning•o ong•gipa bi•sarangnade Triathlon format, chong•motan 60-metre sprint, long jump, high jump aro shot put kal•susaaniko ong•atenga ine parakataha.
Ia District Level Athletics Meet-o skanggipa aro gnigipa ong•e chegiparangkode, re•baenggipa May 19 aro 20 tarikrango Shillong-o ong•atna sienggipa State Level Athletic Meet-o susana gita seokanggen ineba Marak parakataha. Iana dingtangmancha screening ba porikka ra•e nianiko, May-ni 18 tariko ong•atchenggen ineba ua aganaha.
State Level Athletics Meet-o chegiparangkode, Meghalaya a•dokni pal, National Athletic Meet-o bak ra•na seokangskagen ineba Sports Officer parakataha.
East Garo Hills a•jani kal•susagiparango changa sapanirangko sing•on, East Garo Hills a•jao kal•na changtelgipa chadamberang bang•en donga aro uamangna name skie on•genchimode uamang chu•sokgiparang ong•aigen ine Marak aganaha.
Na·simang iakoba nina man·gen:
Na·simang iakoba poraina man·gen: M’laya a·dok, skanggipa changna ong·atgipa Khelo India Tribal Games 2026-o Chri gosusaanio Gold medal-rangko chea
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
