Shillong, May 6: Meghalaya a·dok, Chhattisgarh-ni Jagdalpur-o re·anggipa April jani 2 tariko ong·atgipa skanggipa Khelo India Tribal Games 2026-o Chri gosusaanio Gold medal-rangko man·aha. Me·a aro me·chik dolgnian compound category-o chu·sokgiparang ong·aha.
Me·chikrangni bon·kamgipa kal·susaanio, Meghalaya-ni dol 208-205 score-rangchi Nagaland dol-ko amataha. Ia dolni member-rangara Niki Bansharai Khonghat, Kate Diamond Lyngdoh aro Stacy M. Sangma ong·achim.
Me·asarangni bon·kamgipa kal·susaanio, Meghalaya-ni dol 219-216 score-rangchi Assam dolko amatskaaha. Ia amatgipa dolo Donkupar L. Shadap, Phrangkupar Kharjahrin aro Wanbor Marwein maang dongachim.
Ia kal·susaanio uamangni nambee susaaniko dakanichi a·dokna mingsing minggamani aro mikkim rasongko ra·baan baksana manderangni gisikko mangrakbatatna dakachakaha.
Ia chri gosusaanio bak ra·giparang, uamangni changa sapaniko namdapatna aro ia bilsi ja·mano a·songni gipin biaprango ong·atna sienggipa susagrikanirango bakko ra·na gita da·o Sports Authority of India (SAI)-o skie ra·aniko dakenga.
Na·simang iakoba nina man·gen:
Na·simang iakoba poraina man·gen: Ku•cholsan kamko ka•anichisa M’laya-o Tourism-ko chu•sokatna man•gen: CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
