Shillong, June 27: Niamni a·palo dol dakgipa Hynniewtrep National Liberation Council-ni (HNLC) sakgni cadrerang Eastern West Khasi Hills-ni Superintendent-ni mikkango an·tangtangko bame on·eaha.
Shillong Syndicare Bus stand-o IED bretanio matnangako man·e Shillong Sadar Police Station-ni sandienggipa Samuel Wahlang Pahsyntiew, uamangko dilsrete HNLC-ona rimnapaha aro Pahsyntiew baksa Bangladesh-ona uamang katangaha ine Dibarius Jyrwa (32) aro Ridor Lyndoh Nonglait (30) parakataha.
SP-ni aganatani gitade, bame on·gipa cadrerang HNLC doloni ong·a aro uamangko dingtang dingtang chonchongipa kamrangko jekai ge·a-gamanirangko dakna ge·etachim aro uarangara HNLC-ni miksongani bak ong·ja ine uamang sakgni chanchiachim.
Ja-15na bate HNLC-ni uamangna iandakgipa kamrangko ka·na on·ahanina uamang suk ong·nikjae June 20, 2025-o Bangladesh-oni katbapile songsaro janggi tangpilna tik ka·aha aro HNLC-o napna nangjachim ine parakataha.
Uamangni re·bae bame on·eaniara namgipa chin ong·a ine SP aganaha. Uandake uamangko sing·doanirangko dakaha, uamangni aganchakanirangko serikaha aro dongkuenggipa kamrangko ka·angkuna uamangko naljokgipa biapo donaha.
Na·simang ia video-koba nina man·gen:
Na·simang iakoba poraina man·gen: Tura-o International Day Against Drug Abuse-ko mania
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
