Tura, June 26: Pekgipa bosturangko jakkalanirangko ku·cholsan warachakna aro mikkangchina champengsona miksonge, District Social Weldare Office aro District Sankalp-Hub for Empowerment of Women, International Day Against Drug Abuse & Illicit Trafficking 2025-ko Bristibar salo Captain William’s School, Tura-o maniangaha.
Jinmana parake aganengon, Madonna Onasis T. Sangma, DSWO, August 15, 2020-o, an·chingni a·songo drugrangko jakkalaniko komiatna a·bachengatgipa Nasha Mukt Bharat-ni gimin ning·tue agane on·angaha. Ia campaignni ning·o pekgipa bosturango pangchake janggi tangani kengnirangni gimin manderangko mikrakatani aro u·ianiko giproroatani cholrang, jekai skulrang aro gittimrango agan-skie on·anirangko dakani gimin ua talate on·aha.
Una agreba ua June 22, 2020-o a·bachengatgipa “Beti Bachao, Beti Padhao” campaignni me·chik bi·sarangko kal·susaanirangchi, chubata gadango poraina cholrangko on·anichi, changsa-sapanirangko skie on·anirangchi aro namgipa songsarko rikna dakchakanirangni giminba janapaha.
Uandake, Tura-ni Addl. Deputy Commissioner, Florina Boro, MCS, pekgipa bosturangko jakkalaniko warachakna ku·monge ja·ku de·na nangani gimin aganangskaaha. Chatro-chatrirangni dakbewalrangko name nitimna aro uamangko salanti nirok-simsake pekgipa bosturangko jakkalaniko senggnang sanna-bananiko dakna nanga ine ua ma·a-paarang aro skul-collegerangni dilgiparangna aganaha.
Niamgri manderangko rim·srukangani gimin mikrakatanirangko on·gipa district administration-ni committee-ni giminba manderangna u·iate, iandakgipa kamrangko champengna songsarni dakna nanggnirangni giminba ua aganaha.
Ia tom·bimonganio Tura Civil Hospital-ni Addiction Treatment Facility-ni (ATF) Counsellor, Amesa Chesrame S. Sangma; Tura-ni Deputy Chief Legal Defence Council, DLSA, John Cronin Ch. Sangma aro Tura-ni Addl. Superintendent of Police, Krison R. Marak-ba pekgpa bosturang aro uarangni namgijani, aro niamni a·palo ong·gipa kamrangko gelna nangani gimin manderangna agananirangko dakangaha.
Ia programme-o Poster Writing Competition-ni chegiparangnaba boksisrangko on·anirangko dakangaha aro tom·anio bakko ra·giparang ku·cholsan nangrimani aro bakrimaniko mesoke, Nasha Mukt Bharat Abhiyan-ni ning·o mikkangchi pekgipa bosturangko jakkalani grigipa salrangna ku·mikchetanirangko dakangaha.
Na·simang ia video-koba nina man·gen:
Na·simang iakoba poraina man·gen: Indore-o rim•gipa mande sak 3-ko saldokna police-rangni ning•o donata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
