Tura, Aug 30: East Garo Hills a·jani Williamnagar-o ru·uta bilsirangoni rikenggipa Horticulture College-ko ta·raken matchotatchina North-Eastern Hill University (NEHU)-ni Post Graduate Students’ Union (PGSU), a·dok sorkariko dabiataha.
Ia college-ko rikchina a·arangko on·manhaoba aro foundation cho·ani kamrangko matchotman·ahaoba bilsi 15 mangna matchotatgija galchipe donenggipa ong·a aro iako da·o ta·raken matchotatatchina chatro chatrirang dabienga.
2008 bilsini December jao ia Horticulture College-ko Williamnagar-o rikna sorkari proposal-ko on·aha aro ia proposal-ko jolni manderangba namnikpa·enba, 2009 bilsio songni Nokma aro Dawagre A·king mahari ia college-ko rikna gita 25.50 hectare-mang a·ako, East Garo Hills a·jani Deputy Commissioner-ni dongpaanio sorkarina pakwate on·aha aro 2009 aro 2010 bilsini gisepon foundation-ko matchotataha.
Ia Project-ni bidingo nipiltaina gita, 2019 bilsini October 15 tariko, Skotong Minister Conrad K Sangma-ni dilanichi tom·bimonganiko ong·ataha. Indake, apsan bilsion November 25 tariko NEHU-ni Academic Council tom·bimomganiko dake, Horticulture-ni B.Sc (Hons) syllabus-ko ra·chakaha, indake ong·genchimoba, ia college-ko matchotatna mangsongaoni bilsi 15-mang ong·pilgenchimoba, da·onan matchotatkujaenga jean songsalni manderango aro chatro chatrirangni gisepo dongtogijani aro ia college-ko matchotatna gisiko cha·suaniko gapatenga ine PGSU-ni dilgipa aganaha.
Unbaksana, ia Horticulture College-ara Meghalaya a·dokna namen nangchongmotgipa ong·a maina kraa damo lekka pora skianiko ra·na man·gen ineba uamang janapataha.
Na·simang iakoba nina man·gen:
Na·simang iakoba poraina man·gen: Media-o koborrangko chappa ka·ani baditana gamchata: Manash Chaudhuri
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
