Tura, Aug 30: Salantini Janera-ko a·bachengatgipa Manas Chaudhuri, bilsi 25-na batpile a·doko kakketgipa koborrangko gipatanio mongsonggipa ong·a.
Songsalna dangdike on·a aro koborko gipatna gisiko nanggipa ong·e Chaudhuri, Garo Hills a·jao kakketgipa koborrangko gipatna kamko ka·na a·bachengbaaha. Ua koborrangko chappa ka·e gipataniko an·tangni man·gnina ine mangsongjaha indiba songsalo dingtanganiko ra·bana aro bil gnangatgipa ong·atnasa ia cholko jakkalaha.
Chaudhuri-ni koborrangko chappa ka·aniko niksamsoaniara, uni ru·uta bilsirangna a·jao aro a·song gimiko ong·enggipa obostarangko kobor ra·timanio cha·tote nikgiminrangoni bak ong·a.
Indake ia chasongo digital platform-rangni a·selo chagrongenggipa neng·nikarangni gimin janapengon, Garo Hills a·jao chappa ka·gimin koborrangko gamchatnike poraina gisiko nanggiparang dongengkuani gimin mikkangchiba ua koborrangko chappa ka·angkugen ine aganaha.
Chaudhuri, uni Salantini Janera-ko chappa ka·chengo black and white ba gisim aro gipok rongni kalichisa chappa ka·chengaha aro ja·mano uni chappa ka·anirang tang·dona man·aha. Indake ong·genchimoba chappa ka·aniko tang·doatanichi mang·mangde chu·onga ong·jaenga ine ua nikaha aro uni sea jotanirangko aro taridapanirangko namdapatna nangenga ine u·ie namdapatna jotton ka·aha.
Iarangni gisepoba, chappa ka·anio neng·nikanirangko chagrongna nangenga maina ia chonbegipa a·jao mande jelani komian baksana sorkarionikoba bang·gija dakchakanikosan man·engani gimin tangka paisani gita Salantini Janera-ko chalaianio neng·nikaniko chagrongna nangenga ine nikna man·a.
Chaudhuri-ni janapani gitade, ia chasongo journalism-ko basegija competitive porikkarangkosa chadamberang basebatenga aro an·tangtangni man·gipa bilrangna bateba political representative ba dilgiparangni agananikosa ra·batenga. Uni ia chanchianiko dingtangatna gita a·jao jourlism-ni bidingoba skie on·a aro course-rangko ra·na nangchongmotenga ine aganan baksa, chadamberang graduate ong·e degree donggiparang ong·omangba sena jotna sapani, reporting aro ning·tue chanchina man·gipan namen komibea ine ua aganaha.
Journalist-rangko training on·a gita gipin a·dokona watatna mangsongenga aro iana sorkarioni dakchakaniko man·a ka·dongsoenga ineba ua janapataha.
Ku·sikko srange man·a nangani gimin janapengon, English ku·sikko srange man·a nanga gitan A·chikkukoba srange man·a nangchongmota, iachisa Meghalaya a·doko kam man·a chol ong·an baksa journalism-ni kamkoba mangrak bilakbatatgen ine Chaudhuri aganaha.
Salantini Janera-ko chappa ka·engon manderangni poraianio krae poraitona aro A·chik ku·sikchin chappa ka·na mangsongkuenganikoba ua parakangaha.
Na·simang iakoba nina man·gen:
Na·simang iakoba poraina man·gen: Niamgri namsrukbagiparangko watatpilna on·gipa niamni ning·o Bangladeshi-rangko watatpilgen : Assam CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
