Shillong, Jan 31: Budbar salo, Hynniewtrep Youth Council (HYC)-ni membor-rang baksa tom•e agangrikengmiting somoio dolgnini gisepo adita ding•chaoe jegrikani ja•man an•tangni kamna North Eastern Indira Gandhi Regional Institute of Health & Medical Sciences (NEIGRIHMS)-ni Director Prof (Dr) Nalin Mehta kemako bi•aha.
NEIGRIHMS-o joltangni manderangna kamrangko on•china dabienggipani bidingo HYC-ni membor-rang, Budbar salo, NEIGRIHMS-ni Director baksa tom•e agangrikengachim indiba HYC-ni membor-rang, Director-ni kattarangna kusi ong•jae, tom•aoni ong•katgrime katahachim.
Prof Mehta-ni agangipa kattarangna suk ong•jae, HYC-ni president Roy Kupar Synrem aro gipin membor-rang, NEIGRIHMS-o kam ka•enggipa pilak manderangkon ra•galna aro hospital-ni gate-rangko chipe donna ka•mikkenataniko on•angaha.
Ia a•sel ong•ani ja•man magistrate saksa re•baenba, dolgnini gisepo ding•chaogrike jegrikaniko namateaha aro NEIGRIHMS-ni Director-ba an•tangni agangimin kattarangko ra•pile, HYC-ni membor-rango kemako bi•aha.
HYC-ni membor-rang baksa asonge agangriktaina mol•molon, HYC-ni membor-rang uni mol•molaniko jegaltokskaa aro dolgni tom•e agangrikna gita dingtang salko tik ka•china Director-ko mol•molaha.
Iani bidingko kobor ra•timgiparangna talate on•angengon, NEIGRIHMS-na nurse-rangko Nursing Officer Recruitment Common Eligibility Test (NORCET) gita ra•ani bidingo, kamrangko an•tangtang on•aigija gipin agency-rangchi on•china aro Group-B baksana Group-C gadangni kamrango joltangni manderangna 80 percent seat-ko donchina gita NEIGRIHMS-ni Director-ko gronge agangrikahachim ine HYC-ni president Roykupar Synrem parakataha.
Iakoba poraie nina man·gen: Bilsi 6 ong•gipa me•chik bi•sako ka•saninggija so•otanina saksako rim•a
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
