Shillong, Apr 2: Re•anggipa March jani 24 tariko, Ichamati-o gipin jat mande sakgniko so•otgipani bidingo East Khasi Hills a•jani police-rang, Khasi Students Union (KSU)-ni membor sakgniko rim•aha.
Rim•ako man•gipa KSU-ni membor sakgniara, Wahutim-oni bilsi 26 ong•gipa Shamborlang Shati aro Sohra jolo donggipa Saitsohpen songni Meshadap Skhembil ong•achim.
Ia mande sakgniko Sombar salo rim•enba Sohra police station-o donchengaha aro Mongolbar pringo uamangko sing•sandiangkuna gita Sardar Police Station-ona rim•baaha ine kobor on•timgiparang u•iataha.
Indake ong•engon, rim•a man•gipa KSU-ni membor sakgniko sing•sandiangkuna gita East Khasi Hills a•jani District & Session Court, salsnina police-rangni ning•o donkuchina raiko on•ataha ine East Khasi Hills-ni SP Rituraj Ravi parakataha.
Ia a•selni bidingo KSU-ni membor sakgniko rim•ani ja•man, Shillong aro Ichamati-o so•sojengjeng ong•anirangko champengna gita police-rangni chel•chakaniko bariataha ineba SP aganaha.
Re•anggipa March-ni 27 tariko, Citizenship Amendment Act-ko jegale, KSU aro gipin dolrangni Ichamati-o jinma re•jomaniko ong•atani ja•man, rong•chun quarry-rango kam ka•enggipa Ishan Singh aro Sujit Dutta-ko ma•sina man•gijagipa manderang, so•ote galahachim ine nikna man•a. Ia mande saksani manggisiko Ichamati-o aro sakgipinni manggisiko Dalda-oniko man•ahachim.
Iani bidingo sianggipa mande saksani ma•drang, police-rangna FIR ka•aha aro FIR-o uamang KSU-ko biming mingahachim.
Na·simang ia video-koba nina man·gen:
Na·simang iakoba poraina man·gen: Cha bagano kam ka•e cha•enggipa bang•a me•chikrang sorkarini on•enggipa scheme-rangko man•kuja
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
