Imphal, Nov 23: Sonibar salo, Jiribam a•jao me•chikrang aro bi•sarangko man•chape ka•saninggija so•otani bidingo kakket bichalko on•china aro a•doko tom•tomaniko ta•rake ra•bapilaniko dabina a•jani bregimin manderang baksana songsalni namgnina kamrangko ka•gipa dingtang dingtang dolrang, Imphal West-ni Kesihampat-o tom•tom asonge jegalaniko ong•atangaha.
Kobor ra•timgiparang baksa agangrikengon, kamoni neng•takgimin police officer saksa, Thanhjam Brojen, ma•mongoni watatgipa chel•chakgipa dolrango nangana bate pangchakani gimin matnangatengon, chu•onga gita tarisamsoanichisa chu•sokaniko man•gen ineba aganangaha. Ma•mongoniko chelchakgipa dolrangko rimbaachide ia ong•enga obostarangko namatna gita man•jawa ine agananengon, authority-rang a•dokni kamrangko an•tang jako ra•enba, ong•enga obostarangko name chanchibewale ka•sinatna gita nanggen ineba ua agandapangkuaha.
Manipur a•dokni, Skotong Minister, N Biren Singh, minister aro MLA-rangni dongchakram nokrangko chadrapani kosako raken jegalatengon, dosgri manderangko so•otani bidingo tom•tom jegalaniko dakgiparangnade uamangba chakpaaniko on•a maina darangan an•tangni chanchiani ba jajrenganiko parakna bil donga ine aganangaha. Iani gisepon, mittam manderangde ia jegalaniko pa•sike ra•seke ra•na, minister-rangni nokrangko so•na aro gamjin-rangko cha•oe ra•na cholrangko ra•skaa, jean ra•chakna man•gijani ong•a ineba Singh aganangaha.
Indake ong•engon, Manipur sorkarini Chief Security Advisor, Kuldiep Singh, Union Ministry of Home Affairs-ni gita a•doko kenani dongbatgipa biaprango ma•mongni chel•chakgipa dol 90-rangko watatenga inenba parakataha, jeoni bang•a sipairangan sokbatokaha aro mittamrang sokbana siengaha ineba aganangaha.
Re•anggipa bilsini May jao so•so jengjeng ong•ani a•bachengo, ra•seke ra•anggipa bol 3,000 silchidarerangko chel•chakgipa dolrang man•pilaha inenba Singh u•iatengon, da•o rimbadapenggipa chelchakgipa dolrangko name chanchibewalaniko dakenba obostarang namjabatenggipa biaprang aro jat brine dongrimgipa biaprango donatgen ineba parakataha.
Na·simang ia video-koba nina man·gen:
Na·simang iakoba poraina man·gen: NPP-ni candidate Mehtab Chandee A Sangma Gambegre By-election-o chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
