Guwahati, August 3: Assam Sorkari, Har Ghar Tiranga program-o pangchake a•doktango, Jakgitelani salko maniani salo nokantion A•songni Nisanrangko songatna nangnikenga. A•doko songdonggipa sakantini nokrangon komibeoba king lak 80mang nisanrangko songatna miksongenga.
Lak 50 A•songni nisanrangko (Flags) Union Ministry of Textile-oniko Har Ghar Tiranga programme-o pangchake brebagen aro dongkuenggipa lak 30-ko a•dokni Self Help Group-rang tarianggen. Har Ghar Tiranga programme-ko ia jani 13 tarikoni 15 tarikona manianggen.
Uandake ia program-ko chu•sokgipa ong•atna songdonggipa manderangni kam ka•soanirangko niksona man•engaha. Assam a•dokni dingtang dingtang a•jarangon aro ia chonbegipa Dima Hasao a•jaomangba manderangni gisik nange kam ka•samsoanirangchi a•song gimiko dal•begipa chu•sokaniko ra•bana kimkro kamrangko ka•soengaha.
Har Ghar Tiranga program-ko Azadi Ka Amrit Mahotsav-ni ning•o dakdilenga aro ian songdonggipa sakantikon A•songni Nisanko noktangtangona ra•ange songdoenba India a•songni chang 75 gipa Jakgitelani salko gisik ra•e manichina didiani ong•enga.
Ia program-chin India a•songo songdongenggipa sakantikon jatna a•songtangna ka•saaniko ra•bana aro A•songni Nisanni gimin u•i-ma•sie ra•aniko on•na miksongenga.
