Shillong, Jun 21: Union Defence Minister Rajnath Singh, India a·song ta·raken gital technology-rang, mikkangchina tarisamsoanirang baksana u·isona man·gijagipa aro dingtangrorobaenggipa a·gilsako mangrake aro tarisamsoe dongna gita institution-rangko namdapate rakkina nangchongmotaniko aganangaha.

Union Defence Minister Rajnath Singh, Shillong-ni Eastern Air Command headquarter-o sipai dolrangna aganengon, gital ra·bianirang jekai online cha·bokani, tol·gipa koborrang, naljokatanirang, somoi gita kakketgipa mande aro bosturangko sokatani aro drone-rang chasong gitalo a·gilsakni dakgrikanio mongsonggipa ong·enga ine aganangaha. Da·ororo a·gilsak gimiko dakgrikani bewalrang dingtangrorobaengani a·sel, skang chasongo gita sipai dolrangni da·o tarisamsoani mangmangde silchidare ra·bitgipa dolrangna chu·onggipa ong·ja ineba ua agandapangkuaha.

Rajnath Singh, India a·songko Aatmanirbharta-ko man·a ba an·tangon pangchakna man·aigipa a·song ong·na nangchongmotaniko u·iataha jedakode India a·song, gipin a·songrango pangchakna nanggijaan a·songni naljokaniko chel·chakna gita man·gen.

Prime Minister Narendra Modi-ni dilanio, an·tangon pangchakna man·aigipa a·song ong·na jotton ka·ani a·sel, Operation Sindoor itihas-o gisik ra·na krabegipa chu·sokani ong·aha ine ua aganangaha.

“Operation Sindoor-ko dakanichi, India a·songni naljokani aro jakgitele sason ka·aniko bame on·jawa ine uamang bobil dol aro uamangko jakkalenggiparangna mesoke on·angaha. Silchidare ra·bitgipa sipai dolrangni changa sapani, gisik rake dongani aro kim·kim ong·e mangsonganiara, India a·song bilakrorobaengaha ine a·gilsak gimikna changsatai mesokani ong·aha. Military unit-rang jekai Eastern Air Command, a·songni dal·batgipa mangsonganirangko man·a gita nangchongmotgipa on·gilanirangko dakenga,” ine ua agandapangkuaha.

Defence Minister Rajnath Singh, Eastern Air Command-ko India-ni Salaram jolo donggipa sima ari-rangko naljoke rakkianio mongsonggipa bakko ra·giparang ong·a ine aganengon, a·songni naljokaniko mangrakbatatanioba mongsonggipa on·gilgiparang ong·a ine ua janapataha.

Eastern Air Command, dakgrikani, tom·tomanirangko rakkiani, ong·telaigipa obostarangni somoio dakchakaniko on·ani, chugipa biaprango am·sandiani ba sima ari-o chel·chakanirangko on·anirangoba uamang pangnan bimchipani, ka·dongani aro on·kange kam ka·aniko mesokronga ineba ua u·iataha.

Rajnath Singh, neng·begipa aro ra·biani kamrang ong·genchimoba ka·dongbee an·tangtangni kamrangko gisiko nange ka·anina ka·dongbegipa sipairangna rasongko on·e aganangaha.

Defence Force-rangko a·songni ku·mong nangrimani chin ine aganani baksa Rajnath Singh, tom·anio uni agananiko matchotataha.

Sipai dolrangara, dingtang dingtang chanchibewalanirangko rimchaksogiparang, gamchatgipa bewalrangko ripinge rakkigipa aro mandeskako mande ra·grikgipa ong·a ine ua aganangkuaaha.

Air Staff-ni padot, Sir Chief Marshal AP Singh, Eastern Air Command-ni padot, Sir Marshal Inderpal Singh Walia aro Indian Air Force-ni a·gipibatgipa officer-rangba ia tom·anio dongpae bak ra·angpaaha.

Na·simang iakoba nina man·gen: 

Na·simang iakoba poraina man·gen: Defence Minister aro M’laya CM, Yoga Day-ko manianio bak ra·a

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub