Shillong, 22 Oct: Diwali manianirang ja·mano India-ni bang·a songjinmarangon balwa rongtalgijarara gapengon, Meghalaya-ni skotong Shillong, Air Quality Index-o (AQI) 17-ko man·e a·songo balwa rongtalbatgipa songjinma ine bimungko man·anichi, ia biapo balwa rongtala aro sabisi-bi·atirangko man·anina kenna nangani komia ine nikna man·aha.
Gitalbatgipa national air quality data-ni am·sandie man·ani gitade, Shillong-an balwa rongtalbatgipa songjinmarangoni kosakbatgipa gadango ong·a, aro unbaksa gipin songjinmarang jekai:
Yadgir, Karnataka – AQI 24, Tirumala, Andhra Pradesh – AQI 25, Madikeri, Karnataka – AQI 25, Davanagere, Karnataka – AQI 29, Karwar, Karnataka – AQI 30, Gangtok, Sikkim – AQI 34, Raipur, Chhattisgarh – AQI 40 aro Mysuru-oba AQI 41-ko man·e, balwa namgipa category-ni ning·o ong·aha.
Diwali manianirang ja·mano, mongsonggipa metropolitan songjinmarang jekai Delhi aro Mumbai-o rongtalgijagipa balwarang gapengkua.
Mongolbar pringo, Delhi-ni AQI 346-ko man·e, namen rongtalgijagipa balwa donganiko nikna man·aha aro uni ning·o donggipa adita biaprang jekai Bawana, Wazirpur, aro Jahangirpuri 400-naba bataha ine The Indian Express parakataha. Re·anggipa bilsio Diwali-ni ja·mano a·songni skotong sonjinmao AQI 359-ko man·aha.
Ia bilsio, gipin bomarangna bate samtangtangna nisiani aro gam·ani komibatgipa bomarang chong·motan, green firecracker-rangko jakkalna Supreme Court hukumko on·ahachim, indimangba Delhi-NCR jolo rongtalgijagipa simdapgipa balwarangko nikna man·aha ine koborrangko man·soaha.
Indake ong·engon, Mumbai-ni AQI 214-ona tang·doaha aro October 10-o wachikarini komiangroroaoni ian namjabatgipa gadango ong·a ine kobor ra·timgiparang parakataha. Social media-o watgipa video-rango balwa rongtalgijani a·sel guri mitmata gita chacha ong·aha ine nikna man·aha.
Bang·a songjinmarangon balwa rongtalgijagiparang chatdikdik balboe dongengon, Shillong-ni rongtalgipa balwa biapni rongtalani, tangsekgilgil ong·ani aro karkanarangchi jabol dakani komianirangko mesokanichi, rongtal-an·talaniko ripingani sakkiko on·enga.
Na·simang iakoba nina man·gen:
Na·simang iakoba poraina man·gen: Tura Capt. Reserve-oniko u·ina man·gijagipa me·chikko name mikselgija saknae dongako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
