Tura, Oct 22: Ma·ambioni u·i-ma·sibagiminrangchi pangkamgipa janggi tanganiko dakangna ine pangchakaniko done, Tura-ni Captain Williamson Sangma State University (CWSSU), Balalgre-o salsana tom·bimonganiko Budbar salo ong·atangaha.
Ia tom·bimonganiko Chief Minister’s Special Grant Fund-ni dakchakanichi Department of Sociology ong·atangaha aro South West Garo Hills-ni Deputy Commissioner Hema Nayak mongsonggipa sokgipa ong·e re·baaha.
Uandake songdongchakenggipa biapni gimin u·i-ma·siani aro ku·sikko agananiara manderangni janggi tanganirang, cha·a-ringani bewalrang, an·seng-baljokani aro niam-retirango ning·tue nangchakea ine Hema Nayak talate on·angaha.
Ia tom·bimonganio rimchaksoani kattarangko Department of Sociology-ni Chairperson i/c Dr. S. Khyriemmujat aganangaha. Mikkangchini chasongrangna ma·ambioni u·i-ma·sibagiminrangko see rakkiani aro ripinganiko dakna nangchongmotani gimin Vice Chancellor Prof. Vasanthi Vijayakumar me·subee aganangskaaha.
Mongsonggipa agananiko TISS, Mumbai-ni Associate Professor Dr. Bodhi Sainkupar Rani aganangenba, chasong gitalo ma·ambini dakbewalrangni ning·tue gamchatani gimin talate on·angaha.
Ia salni gisepo changgni technical session-rangko ong·atangaha:
Skanggipa session-ko Dr. E. Kharkongor dakdilangaha aro uano Khasi-Jaintia jatrangni gisepo songsarko dilgipa dolrangni dingtangrorobaanirangni gimin chanchirimangaha. Ia session-o NEHU, Shillong-ni gitcham Head of Political Science Prof. L.S. Gassah agan-talatanirangko dakangaha.
Gnigipa session-o India-ni Salgro Salaram jolni manderangni ma·ambioni u·i-ma·sibagiminrang aro songdonggipa jatrangni gimin chanchirimanirangko dakangaha, aro iano NEHU-ni Sociology-ni skigipa Prof. Kedilezo Kikhi agan-talate on·anirangko dakangaha.
Session ge·gnion chatro-chatrirang aro skigiparang baksa sing·ani aro aganchakgrikanirangko dakangaha.
Tom·ani matchoto, technical session-rango serikgiparang session-rangni gimin kan·dike talatanirangko dakangaha. Unbaksana, bak ra·giparangba ia session-rangni gimin an·tangtangni chanchianirangko parakangaha.
Vice Chancellor Prof. Vasanthi Vijayakumar bon·kamgipa agananirangko dake, ia tom·aniko ong·atna kam ka·giparangko mitelangaha aro joltangni gimin u·i-ma·sianirangko see rakkianirangko dakangkuna didiangaha.
Mitelpilani kattarangko tom·bimonganiko dilgipa Andrea Bazeley A. Sangma aganangaha.
Ia tom·bimonganio dingtang dingtang chatro-chatrirang, scholar-rang aro administrator-rang ma·ambioni u·i-ma·sibagiminrangchi mikkangchi pangkamgipa chasongrangko rikani gimin damsan chanchirimanirangko dakangaha. Uandake uamang, gital chasongo ma·ambioni u·i-ma·sibagiminrangko mande ra·na, ripingna, aro chasongni chasongna gipatrorona nangani gimin agananirangko dakangaha.
Prof. Vasanthi Vijayakumar, Vice Chancellor, (CWSSU), Dr. Bodhi Sainkupar Rani (TISS, Mumbai), Dr. S. Khyriemmujat (Chairperson i/c, Department of Sociology, CWSSU), Andrea Bazeley A. Sangma, Anisha Trevalova M. Momin, Dr. E. Kharkongor (Chairperson i/c, Department of Economics, CWSSU), Prof. L.S. Gassah (Gitcham Head, Political Science, NEHU), Dr. Reema V. Diengdoh(Shillong College), Prof. Kedilezo Kikhi (NEHU), Dr. Temjenkala Jamir, Earic W. Sohtun, Steward G. Momin, aro Singje Ch. Marak(Deputy Registrar, CWSSU) ia programme-o bak ra·angaha.
Na·simang iakoba nina man·gen:
Na·simang iakoba poraina man·gen: India-o balwa rongtalbatgipa biap ine Shillong songjinma bimungko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
