Agartala, June 24: Agartala-ni Rabindra Shatabarshiki Bhawan-o dingtangmancha program-ko ong·atanio, India a·songni Tripura a·doko 95.6% mangni gita manderang sena aro poraina man·giparang ong·enba, Mizoram aro Goa-ni jaman chu·gimik skia mangipa a·dokrangoni 3-gipa gadango ong·enga ine ia dal·begipa chu·sokaniko parakataha.
Skotong Minister Dr. Manik Saha, ULLAS – Nav Brahat Saaksharta Karyakram (New India Literacy Program) ingipa sorkarini program-ni a·selsa ia chu·sokaniko man·aha ine tom·anio jinmana u·iatangaha. Ia program-ni gita bilsi 15 aro una batgipa manderang jemangan chonaoni sena jotna aro poraina man·ja baksana digital aro tangka paisa man·ani bidingo skia man·bagijagiparangna dakchakaniko on·a aro ian National Education Policy 2020-ni miksongani baksa apsana.
Union Education Secretary Priti Meena baksana Tripura Education-ni Secretary Raval Hamendra Kumar, SCERT-ni Director L. Darlong aro Secondary Education-ni Director N. C. Sharma-ko man·chape bang·a nangchongmotgipa official-rangba iano dongpae bak ra·angpaaha.
Bang·bata manderangan da·o sena aro poraina man·ahani gimin, uamangba jakgitel ong·na gita gital changa sapani kamrangko skie ra·na nanga ine Dr. Saha u·iataha. Iara program mangmangsan ong·aija, indiba ian songsalko namdapatna dal·begipa ja·ku de·aniba ong·a ineba ua janapataha. Ia chu·sokaniara, Prime Minister Narendra Modi-ni 2047 bilsio India a·songko tang·dogimin a·song ong·atna niksamsoaniona sepangbatatani ong·a ineba ua agandapangkuaha. Dr. Saha, ia chu·sokaniko man·a rake kamko ka·gipa pilak skigiparang, officer-rang aro dakchake on·giparangko mitelangaha.
Na·simang ia video-koba nina man·gen:
Na·simang iakoba poraina man·gen: KHADC-ni 2025-2026 ni Budget-ko opposition dol jegala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
