Guwahati, Feb 21: Union Home Minister Amit Shah, India a·songo Maoist dol aro chel·chaksoenggipa dol baksa silchidarerangchi nanggrikani 2026 bilsini March 31 tariko matchotnasiengaha ine Sonibar salo parakataha.
Ia u·iataniko ua, Central Reserve Police Force (CRPF)-ni chang 87-gipa Raising Day-ko Sarusajai, Guwahati-ni Arjun Bhogeswar Baruah Sports Complex-o ong·atanio parakataha.
Ru·uta bilsirangna namchipatna man·gijagipa ia obostako sorkari namatna kamko ka·enga aro bilsi gittamni gisepon ia kamrang chu·soknasiengaha ine Shah aganaha.
Batanggimin bilsio, Chhattisgarh-ni Narayanpur-o Operation Black Forest-ko ong·atani bidingo janapengon, Maoist dolni mongsonggipa dilgiparangoni sak 27-ko so·otgalna man·aha, sak 54-ko rim·aha aro unbaksana Chhattisgarh, Telangana aro Maharashtra-oni sak 84 Maoist dolni manderang an·tangtangko bame on·aha ine Shah aganaha.
Indake, ia a·songoni Maoist dolko gimaatna man·genchimode, CRPF aro uni Commando Battalion for Resolute Action(CoBRA), mongsonggipa bakko ra·e kam ka·aha ine maming neng·nikagri ua agangenchim ineba Shah aganaha.
India a·songni Jammu & Kashmir, salgro salaram a·dokrang aro Left-Wing-an mongsongbate a·songni kenchakna nangbatgipa ong·achim, indake ong·genchimoba ia a·jarango chel·chaksoenggipa dolrangko donatna man·aha ine ua aganaha.
Ua chel·chaksoenggipa dolrangni an·tangtangko on·kange kamko ka·aha ine janapatskaengon, CRPF dolni personnel-rangni janggiko salgro salaram jolo sak 700, Maoist dol baksa nanggrikanio sak 780, Jammu & Kashmir-o sak 540 aro sak a·songni gipin bakrango sak 250 personnel-rangnni janggirangko gimaatna nangaha ine aganan baksa, ia chel·chaksoenggiparangni janggitangko on·chake chel·chaksoengani giminsa a·song tom·tomna man·enga ineba Shah aganaha.
Na·simang iakoba nina man·gen:
Na·simang iakoba poraina man·gen: Pope-ni Ambassador skanggipa changna Tura-ona re·baenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
