Tura, Sept 7: South Garo Hills-ni Sessions Court, India-ona mamung nanggipa lekkarang gri napsrukbaanina sakbri manderangko rim·aha aro Foreigners Act, 1946-ni ning·o pattoko donaha.
Skanggipa case-o, (Gasuapara PS Case No. 03/2025), SI Rush T. Sangma am·sandianirangko dakaha, aro chargesheet-ko (CS No. 02/2025) May 6 tarik, 2025-o segataha. Meghalaya vs. Nazir Miah, Shuyal Miah, aro Faysal Miah-o badi ka·ani ja·mano, Sessions Judhe Febroneous Silkam Sangma matnanga man·gipa sakgittam-kon Foreigners Act-ni Section 14A(b)-ni ning·o dos donga ine nikaha. Uamang sakgittam-kon pattok-o bilsi gittam donna rai-ko on·aha aro tangka gong ₹20,000-ko dai gamna ge·etaha aro uko gamjagenchimode pattoko dongna jagni somoirangko on·dapaha.
Uandake,minggipin case-o (Baghmara PS Case No. 03/2025), SI Dament Ch. Sangma am·sandianirangko dakaha aro chargesheet-ko (CS No. 07/2025) May 31 tarik, 2025-o segataha. Matnangako man·gipa, Hafikul Islam-ko Foreigners Act-ni Section 14A(b)-ni ning·o India-ona napsrukbaanina dos donga ine nike rim·aha. Uko bilsignina pattok-o donna rai on·aha aro tangka gong ₹10,000-ko dai gamna ge·etaha aro gamjagenchimode pattoko dongna jagni somoirangko on·dapaha.
Na·simang iakoba nina man·gen:
Na·simang iakoba poraina man·gen: Assam-o CAA-ko jegale CM Sarma-ni bimangko tarie so·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
