Tura, Feb 22: Robibar salo, Tura-o International Mother Language Day 2026-ko maniani somoio, Indian Constitution-ni Eight Schedule-o A·chik ku·siklo napatchina raken dabianiko dakataha.
A·chik Literature Society, North-Eastern Hill University (Tura Campus), Shillong College aro Don Bosco College Tura-ni Department of Garo baksa apsan bakrime “Youth Voices on Multilingual Education” ingipa katta bichongni ning·o Tura-ni Christian Girls Higher Secondary School-o ia program-ko ong·atangaha jeon ICFAI University aro Captain Williamson Sangma State University-ko manchape dingtang dingtang institute-rangni skigiparang aro chatro chatrirangba dongpae bak ra·angpaaha.
Dr. Dikme Chisil B. Marak, ia program-ko a·bachengate on·angengon, Dr. Jacqueline R. Marak, bi·aniko dilangaha aro Dr. Colnat B. Marak, rimchaksoani kattarangko aganangskaaha. Dr. Dokatchi Ch. Marak, uni jinmana aganprakengon, bang·a ku·sikrangchi lekka pora bidako ra·doanio chadambe manderang mongsonggipa on·gilgiparang ong·a ine aganangaha.
Ia program-ko ong·atanio mongsonggipara Dr. Rosa Mary Ch. Sangma-ni pe·skagimin Matcha Bi·sani Golpo-an ong·aha. Ia program-ko ong·atanio Chenggan A. Sangma, Kroshnil D. Sangma aro Basan R. Marak, ku·aganani aro dakbewal rikbewalrangko naljoke rakkiani bidingo aganangaha.
Captain Williamson Sangma State University-ni Dr. Barbara S. Sangma, lekka pora bidako namdapatani aro National Education Policy (NEP)-ni bidingo aganangaha. Shillong College-ni Lorinda D. Marak, Rabindra Tagore-ni ki·tap segipa Gitanjali-ni bidingo chanchibewalniko janapangskaaha. A·chik Literature Society-ni President Prof. Caroline R. Marak, A·chik ku·aganani bidingo bang·bate am·sandianirangko dakna nangkuenga ine aganangskaaha. Dr. Crystal Cornelious D. Marak-ni jakchi certificate-rangko suale on·achi ia program-ko matchotengon, ua Indian Constitution-ni Eight Schedule-o A·chik ku·sikko napatchina dabianikoba dakangtaiaha.
Na·simang iakoba nina man·gen:
Na·simang iakoba poraina man·gen: M’laya sorkari ST list-ni amendment report-ko nichaksoa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
