Tura, Aug 20: Budbar salo, Inter-Mahari Football Tournament-o, me·asa aro me·chik dolrang Chandmari, Tura-ni Govt. Boys Hr. Sec. School Field (Chandmari Football Turf)-o ga·subee kal·susaangaha.
Me·chik dolrangni kal·susaanio, Dio mahari gol 5-0 ko man·e Nokrek mahariko amataha.
Ia kal·susaanio Cheambi Dio Sangma, minute 21, 25, 38, 43 aro 48-o gol 5-ko doltangna chipe on·anichi niksengako man·aha aro doltangna cheanikoba ra·baaha.
Me·asa dolrangni kal·susaanio, Bangbol mahari gol 3-1 ko man·enba Wa·tre mahariko amataha.
Bangbol maharioni Adil Samuel B Sangma, minute 31 ong·engpittio skanggipa golko doltangna chipe on·aha. Michael Jack Ch. Marak aro Kadil Noah B Sangma-ba minute 50 aro 53 ong·o doltangna gnigipa aro gittamgipa golko chipe on·skaaha.
Indake Wa·tre maharioni Ritchie N Marak-ba minute 56 ong·o doltangna golsako chipe on·aha. Wa·tre mahari krengbee doltangko cheatna jotton ka·genchimoba, chu·onga gita golrangko chipna man·jani a·sel chena man·jaha.
Ia me·a aro me·chik dol ge·gnini kal·susaanio niamrangko pe·jahani gimin darangba Card-rangko man·jaha.
Indake Bristibar salo, Danggo mahari aro Mangsang maharini gisepo attamni 2:00 bajio susaanggen aro Sintang mahari aro Rema maharini gisepo attamni 3:30 bajio apsan biapon kal·susaangskagen.
Na·simang iakoba nina man·gen:
Na·simang iakoba poraina man·gen: Meghalaya-o skanggipa changna Civil Defence & Home Guards-ni Rozgar Mela-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
