Tura, Aug 5: Mongolbar salo, chang 5-gipa Inter Mahari Men’s Football Tournament-na Tura Chandmari-o donggipa Govt. Boys Hr. Sec. School Field (Chandmari Football Turf)-o ge·gni match-ko kal·angaha aro ia kal·susaanio Maji aro Nokrek mahari chegipa ong·aha.
Skanggipa match-o Maji aro Mri maharirangni gisepo kal·susaaha aro ia susaanio Maji mahari gol briko man·e Mri mahariko amchepataha.
Indake Maji maharini Trybirth M. Marak, minute 2 mang ong·o skanggipa golko doltangna chipe on·aha aro uni joljol minute 5-ni ja·manan Malas M. Marak-ba golsako chiptaiaha. Raksrang M Marak, minute 42-o golsa aro 44 ong·o golsako joljol chipenba uamangni dolko chegipa ong·ataha.
Indake, ia bil·subegipa kal·susaanio Mri mahariba krenge kal·ahachim indiba rasonggribee uamang golsaba chipskana man·jaha.
Gnigipa match-o Nokrek mahari aro Panto maharini gisepo susaangskaaha aro Nokrek mahari gol 5-ko man·enba Panto mahariko amataha.
Ia kal·susaanio Nokrek maharini Janu D. Sangma, ga·subee minute 17, 50 aro 52-o gol 3-ko doltangna chipe on·aha. Sengrim N. Marak minute 42-o aro Ampear N Marak minute 59-o golprakko doltangna chipe on·aha.
Indake, Nokrek maharini bil·subee kal·ani gimin Panto mahari-oni golsakoba chipskana cholko man·jaha.
Ia kal·susaanio niamko ja·rike kal·susaani gimin darangba yellow card-ko man·jaha.
Re·baenggipa August 6 tariko, Maji mahari aro Mankin maharini gisepo apsan biapon susaangskagen.
Na·simang iakoba nina man·gen:
Na·simang iakoba poraina man·gen: Ganol chibimao gimagipa Agri officer-ko man·pilkuja
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
