Ri Bhoi, July 29: International Tiger Day 2025-ni salo, University Of Science and Technology Meghalaya (USTM)-ni Zoology Department, matcharangko naljoke rakkianio chakpaaniko on·a “Harmonious Coexistence between Humans and Tigers” ine katta bichongko done salsana awareness program-ko ong·atangaha.
Ia tom·bimonganiko USTM-ni National Service Scheme (NSS) aro Internal Quality Assurance Cell (IQAC) ong·atangaha, jeon kusi baksana an·saoatanirang jekai soroko dakmesokani, noksa salsusaani aro sing·anina aganchakanirangko ong·atangaha.
Pringni 10 bajioni ia program-ko Zoology Department-ni Skotong Dr. Aalika B Borah-ni rimchaksoani kattarangchi a·bachengata jamano tom·anio dingtangmancha mongsonggipa dilgiparangko mande ra·aniko dakangaha. Indake salni 11:50 bajio ia tom·biminganiona mongsonggipa sokbagipa manderang chong·motan Arya Vidyapeeth College-ni saksa skigipa, Dr. Chandashree Bhuyan, jean “Striped Guardian Of Our Ecosytem”-ni bidingo aganprakaniko man·chape, Cotton University-o Department of Environmental Biology and Wildlife Science-ni Assistant Professor Dr. Narayan Sharma, National Tiger Conversation Authority-ni gitcham Wildlife Biologist Mr. Kamal Azard-ni aganprakanichi officially ia tom·bimonganiko a·bachengataha.
Tom·anio aganprakgipa pilak manderangan maikai samtangtango donggipa ong·telaigiparangko apsangrik ong·e rakkina gita matcharangko nangchongmotachim uni gimin aganprakaniko dakangaha. Uamang matcharangko naljoke rakkina rakbegipa ja·ku de·anirang jekai mikrakataniko on·ani, niamgri srik srik matcharangko so·otgalaniko champengani aro ripinge rakkiani kamrango songni manderangko bak man·paatani gimin uamang gisiko nangbate aganangaha.
Iani gisepon, University School Of Law and Research, India-ni WWF baksa ia mongsonggipa tom·bimonganina skang USTM-on ge·sa tom·bimonganiko ong·atangaha, jeon Assam aro Arunachal Pradesh-o WWF-India-ni State Coordinator, Ms. Archita Baruah Bhattacharya, dingtangmancha aganprakaniko on·angaha. WWF-India-na dakchake on·gipa dolrang, matcharangko buring bolgrimo bilakgipa ong·ani aro janggi tangani chin-ko mesoke dakmesokaniko dakangaha.
Ia program chu·gimikan, 2010 bilsio Russia-ni Saint Petersburg-o tom·bimonganiko ong·atanio a·bachengatgipa Global Tiger Day-ni miksongani baksa apsana ine nikna man·a, ian matcharangni donggipa biaprangko naljoke rakkina aro a·gilsakni manderangna matcharangko naljoke rakkina nangchongmotani gimin mikrakataniko on·a miksongani ong·a.
Na·simang iakoba nina man·gen:
Na·simang iakoba poraina man·gen: Pahalgam-o dosgri manderangko goe galgipa bobil dolni sak 3-ko so•otaha: Amit Shah
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
