Shillong, Oct 13: Sombar salo, Meghalaya sorkarini Social Welfare Department, International Girl Child Day-ko Mawkasiang-o donggipa Lariti Auditorium-o manidilangaha aro ia salko maniani bak gita program-ko ong•anio, Meghalaya a•dokni Chief Minister Conrad K Sangma, mongsonggipa sokgipa ong•e bak ra•angaha.
Ia program-ko ong•atanio, Social Welfare department-ni Advisor Paul Lyngdoh, MLA Ampareen Lyngdoh, dingtang dingtang official-rang, skul aro college-ni principal-rang, chatro chatrirang aro dingtang dingtang dolrangba bak ra•angtokaha.
Ia International Girl Child Day-ko manianio, a•dokni Chief Minister, jinmana aganprakangengon, ia salko manidilahani gimin Social Welfare department-ko mittelpilangenba, dingtang dingtang kamrangko ka•anio nambate chu•sokatna gita ku•cholsan ong•e kamko ka•na nangani gimin aganangaha.
Batanggimin salrango, dingtang dingtang a•selrangchi siangna nanggipa bi•sarangko gisik ra•na gita dingtangmancha minute-gnina jrip donganikoba Chief Minister dakdilangaha.
Ia salko maniengon, me•chik bi•sarangna chakpaaniko on•anio songsalni dingtangbaenganikoba manina nanga ine janapatengon, me•chik bi•sarangni namgnina Chief Minister’s Special Development Fund-ni ning•o, self help group-rangni jakchi sanitary pad-rangko tarina kuligipa karkanarangni gimin Chief Minister talataniko on•angaha.
Safe Motherhood Program-ni ning•o songadam nokadamrango donggipa ma•giparangna ra•gatgipa dingtang dingtang kamrangni giminba ua talataniko on•angaha.
Ia sal somoirango pekatgipa bosturangko jakkalanirang batroroengani a•sel songsalo chagrongna nangenggipa neng•nikanirangko janapangskaengon, drugs jakkalgipa manderangko namatna gita a•ja ge•antion detox aro de-addiction centre-rangko kuliengaha ine Chief Minister parakataha.
Me•trarangna agan-ku•pattianirangko on•angengon, pangnan jakgitele chanchigiparang ong•china, janggi tangani cholrangko baseanio ka•donggiparang ong•china aro an•tangtangni gamchatgipa ong•aniko pangnan rakkichina gita Sangma didiangaha.
Ia program-ko ong•atanio dingtangmancha chatro chatrirang baksa agangrikanikoba ong•atangaha, jeon a•dokni Chief Minister, chatro chatrirangni ma•sina sike sing•anirangna agan-talatanirangko on•angaha.
Na·simang iakoba nina man·gen:
Na·simang iakoba poraina man·gen: Shillong-o me•tra saksa gimataia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
