Shillong, April 8: Re·baenggipa wachi karini somoina tarisamsoanirangko nipilna 2026 bilsini April jani 8 tariko, Incident Response Team (IRT)-ni District Coordination Meeting ba ton·bimonganiko East Khasi Hills-o ong·atangaha.
Ia tom·bimonganiko, East Khasi Hills-ni Deputy Commissioner aro DDMA-ni Chairperson R. M. Kurbah, IAS, dilangaha, jeon Additional Deputy Commissioner aro DDMA-ni CEO S. Warjri, MCS, baksana dingtang dingtang department aro chel·chakgipa dolrangni official-rangba dongpae bak ra·angpaaha.
Pilak department-rangkon wach kari ra·gatna skangan chi ban re·ronggipa aro a·a ruronggipa biaprangko nian baksana mikka jime waani somoio kenani ong·nagipa bol nom·gipa aro bijolini silitingrangko nirok sandichinaba u·iataha.
Una agreba, Deputy Commissioner, mock drill ong·atjringna nangchongmotani baksana building-rango wa·aloniko naljokatgipa aro nanggitikani somoina nanggipa gital bosturangni list-ko rakkichinaba u·iataha.
Ong·telaigipa obostarangni somoio ta·rake aro apsan ku·cholsan ong·e kamrangko ka·na man·a gita official-rangko mikrake dongchinaba ua didiataha.
Name tarisamsoanirangko dake manderangni janggirang aro gamjinrangko naljoke rakkina ku·rachakani baksa ia tom·bimonganiko matchotataha. Nanggitikani somoio manderang 112-na ka·e u·iatna man·gen.
Na·simang iakoba nina man·gen:
Na·simang iakoba poraina man·gen: Kam ka•e cha•giparangko rimnappiltaianio niamrangko tarichina DC ge•eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
