Tura, March 19: Ja·delgimin mande saksako police-rangni rim·e ra·angmitingni noksa social media-o gipani ja·mano, ia noksa-ara tol·gipasa ong·a ine West Garo Hills District Police talate on·angaha.
Darangkoba indake rim·a dongkuja aro social media-o gipatenggipa noksa-ara AI-o tarigimin ong·a aro tol·gipasa ong·a ine West Garo Hills a·jani Superintendent of Police, Abraham T. Sangma parakataha. Ia noksa-ara mamung ong·chongmotgipa obostako mesokja aro manderangko dilsretna aro a·jao kajia-golmal ong·anirangko batroroatna ine miksonganiosa gipatgimin ong·a ine authority-rang aganangaha.
Iandakgipa noksarang ba koborrangko jebasi mandeskarangna watjachina aro social media-o watna skang noksarang, video-rang ba koborrang kakket ong·ama ong·ja uko sandichengchina police-rang manderangna didianiko on·ataha.
Una agreba, tol·gipa ba manderangna dilsretaniko on·gipa koborrangni bidingo sepangbatgipa police station, outpost, beat house, ba Tura-o donggipa Police Control Room-o (PCR) kobor on·echinaba uamang manderangko didiangaha.
Na·simang iakoba nina man·gen:
Na·simang iakoba poraina man·gen: Assam election-na BJP-ni candidate-rangko parakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
